يسعد اوقاتكم
اول وصفة بعد شهر رمضان
بلش الشوب و بلشنا الاكلات الا البارده
وما في الذ من الرز
بالحليب بارد
يلا ع الوصفة
لكل 5 لتر حليب سائل.
علبة قشطة او كريمة سائلة.
كوب ونصف رز مصري
كوبين نشا.
4 اكواب سكر او حسب الرغبة.
خمس حبات مسكة مطحوني مع ملعقة كبيرة سكر.
ملعقة كبيرة فانيليا.
خمس ورقات حامض اذا كان متوفر.
ورقتين او تلاتي من أوراق العطرة.
الخطوات.
منشيل حوالي كوبين من الحليب على جنب لندوب فيهم النشا.
منحط الحليب و الرز لحتى يستوي الرز ومنرجع منحط لكريم وسكر والفانيليا أوراق الحامض منغليهم مع التقليب من فترة لفترة
منحط أوراق العطرة ول مسكة مع الاستمرار في التحريك
منحط النشاء مع كوبين الحليب يلي شلناهم بي اول الوصفة مندوبهم منيح منزلهم فوق الحليب منحرك فيهم حتى يغلي من جديد حوالي خمسة دقائق
وهيك رز بحليب جاهز منصبهم بل كاسات منتركهم ليبردو منغطيهم منحطهم بل براد
عند التقديم شو بتحبو تزين بل مكسرات او حرق السكر على الوجه .
فيكم تحطو سكر عل وجه ودخلو على لغريل وبس يحترق السكر طلعوه ورشو المكسرات او ورق الورد مجفف
وتركوه حتى يبرد بل ملعقة يتم تكسير الوجه والف صحة وهنا