حكام مصر_الصالح ايوب

لملك الصالح نجم الدين أيوب بن الملك الكامل محمد بن العادل ابي بكر بن أيوب إتلقب بـ ابو الفتوح، [1] (إتولد فى القاهره سنة 1205 - إتوفى فى المنصورة فى 22 نوفمبر1249). سابع سلاطين الايوبيه فى مصر، [2] حكم من 1240 لغاية 1249. بيعتبره المؤرخين من أحسن الملوك الايوبيين. و هو اللى اسس المماليك البحريه فى مصر، ودخل فى صراعات مع الملوك الأيوبيين فى الشام. فى اخر سنة من حكمه إتعرضت مصر لحمله صليبيه ضخمة إتعرفت بإسم الحمله الصليبيه السابعه و كان بيقودها لويس التاسع ملك فرنسا اللى إتعرف بعد كده بسانت لويس (Saint Louis). الصالح أيوب إتوفى و الفرنج محتليين دمياط لكن أرملته شجر الدر خبت خبر وفاته و إتحملت عبء الدفاع عن مصر.
اصله

الصالح أيوب كان ابن السلطان الأيوبي الملك الكامل، امه كات جارية سودة اسمها " ورد المنى " [3][4]، وكان اخو السلطان العادل سيف الدين ابي بكر وحفيد للسلطان الملك العادل اخو السلطان صلاح الدين الأيوبي. أبوه الملك الكامل كان استقل بمصر سنة1218.
قبل ما يتوفى جده الملك العادل كان قسم مملكته على ولاده، و إدى مصر للملك الكامل .[5][6] الملك الكامل ده هو اللى كمل بنا قلعة الجبل اللى جده صلاح الدين الأيوبي كان بدا يشيدها فوق جبل المقطم، الكامل كان اول واحد يسكنها من ملوك مصر، وفيها إتولد الصالح أيوب سنة 1205[2][7][8][9]
الحملة الصليبيه الخامسه على مصر



الصليبيين بيهاجموا دمياط سنة 1218م


فى سنة 1218 لما كان الصالح أيوب عيل صغير عنده بتاع إتناشر سنه، إتعرضت مصر لحمله صليبيه بيقودها " جان دي بريين " ملك بيت المقدس (الحملة الصليبية الخامسة). و ده كان تطور خطير فى الحروب الصليبية، لإن مصر من ساعتها بقت هدف للصليبيين اللى فهموا إن مصر بإمكانياتها البشريه والاقتصاديه الضخمه حصن جامد ومصدر كبير لإمدادات العسكر والسلاح، فإذا استولوا عليها يبقى سهل عليهم إنهم يستولوا على بيت المقدس و أخد الشام .[10][11]
إتجمعت جيوش ممالك أوروبا فى عكا ومنها طلعت على مصر ونزلت على البر الغربي بتاع دمياط، وخرج الملك الكامل ، ابو الصالح أيوب، بالجيش على دمياط عشان يحاربهم . لكن القوات الصليبية قدرت إنها تستولي على برج دمياط، ولما سمع السلطان العادل ( ابو الملك الكامل وجد الصالح أيوب ) باللي حصل ، وكان ساعتها قاعد فى برج الصفر فى الشام، ضرب صدر بإيده من الحزن و الغم، وعيي فيها ومات بعد كام يوم . بموت العادل مصر بقت للملك الكامل محمد ووقع عليه عبء الدفاع عن مصر. بعد حصار قعد بتاع ست تشهر دمياط وقعت فى إيد الصليبيين فقتلوا سكانها وحولوا جامعها لكنيسة .[12] لكن لما حاول الصليبيين إنهم يتوغلوا جوه الاراضي المصرية حاصرهم المصريين من كل الجهات لغاية ما غلبوهم و خلوهم يستسلموا و يطلبوا الامان مقابل إنهم يسيبوا دمياط.[13][14] دمياط إتسلمت للمصريين فى 8 سبتمبر 1221، ودخلها الملك الكامل على رأس أخواته وقواده وعساكره، و إتعملت هدنه مدتها تمن سنين بين مصر والصليبيين [15][16]
الحمله الصليبيه السادسه ومعاهدة السلام



الملك الكامل إتحالف مع فردريك


فى سنة 1228 طلع فريدريك التاني امبراطور الامبراطورية الرومانيه المقدسه على راس حمله صليبيه صغيرة بتتكون من 600 فارس بس - و ده بيبين إنه ما كانش ناوي يحارب بجد - ونزل عكا (الحملة الصليبية السادسة)، فبعت له الملك الكامل رسوله " فخر الدين يوسف بن الشيخ " عشان يتفاوض معاه .[17][18]
فى 18 فبراير 1229 إتوقعت معاهدة سلام مدتها عشر سنين بين الملك الكامل و فريدريك، بتقضي بتسليم بيت المقدس وبيت لحم والناصرة لفردريك بشرط إن الصليبيين فى بيت المقدس ما يبنوش حصون و لا قلاع، وأن منطقة المسجد الأقصى تبقى فى إيد المسلمين، وإن فردريك يتعهد بمحالفة الملك الكامل ضد كل مناوئيه حتى لو كانوا صليبيين، وإن فردريك يضمن منع وصول اى امدادات صليبيه للإمارتين الصليبيتين أنطاكية و طرابلس.[19] وفي 17 مارس 1229 دخل فردريك التاني بيت المقدس فى حماية قواته الألمانيه و الايطاليه، وسلمه " شمس الدين " قاضي نابلس مفتاح المدينة بالنيابه عن السلطان الكامل .[20] و هاج المسلمين و الصليبيين. وراح الواعظ والمؤرخ "سبط بن الجوزي" يشهر بالملك الكامل فى دمشق، ورفض الصليبيين التعاون مع فردريك بإعتباره مسالم للمسلمين، و خارج عن الكنيسه الكاتوليكيه ومحروم منها عن طريق جريجوري التاسع بابا الكنيسه الكاثوليكيه [19][21]
تلاشي الدوله الخوارزميه ووفاة السلطان الكامل



الدولة الخوارزمية ما بين 1190 و 1220


والأحداث دي بتحصل فى مصر كان المغول بيتقدموا لحدود بلاد الشرق .[22][23]، وبقدوم سنة 1228 كانوا دخلوا اراضي الدوله الخوارزميه و بيتقاتلوا مع جيش " جلال الدين خوارزمشاه "، بتحريض من الخليفة العباسي فى بغداد " ابو العباس احمد الناصر لدين الله " اللى استعان بالمغول ضد السلطان خوارزمشاه وأغراهم بيه، [24][25] و فضلت المعارك دايره بين المغول و الخوارزميه لغاية ما إتغلب جلال الدين بالكامل سنة 1230 و إتقتل وانتهت دولته. وإتشتت الخوارزميه و إتفرقوا [26] وإتحول عساكرهم اللى إتشردوا لمرتزقه بيعرضوا خدماتهم على ملوك المنطقة المجاوره [27] وإتفتحت الجبهة الشرقيه على اخرها قدام جحافل المغول اللى ما بقاش فاضلهم إلا دخول بغداد اللى اصلاً جابتهم و استعانت بيهم ضد جيرانها.
فى سنة 1235 طلع السلطان الكامل ومعاه أخوه الملك الأشرف موسى ملك دمشق على الشرق وغلبوا الروم وإستولوا على حران و السويداء و الرها و قطينا، و بعد كده رجع الكامل على مصر و إدى كل بلاد الشرق لإبنه الملك الصالح نجم الدين أيوب، فزعل الأشرف اللى كتب للكامل يقوله : " أخدت الشرق مني و إديته لإبنك. و أنا افتقرت. وإيه دمشق دي إلا بستان؟ وماليش فيها رزق ". فبعت له الكامل عشرت الاف دينار، لكن الاشرف زعل و رده له الفلوس و قاله : " أنا أدي ده لأمير عندي ". واتفق الأشرف مع ملوك حماة وحلب وغيرها على الإنتقام من السلطان الكامل. لكن الأشرف مات بعدها بشويه، وإتملك أخوه الملك الصالح عماد الدين اسماعيل دمشق، فساب السلطان الكامل ابنه الملك العادل نايب عنه فى مصر و طلع بالجيش المصري على سوريا وحاصر دمشق ودخلها، و بعدين إتوفى...[28] و الأحداث دي شغاله شن المغول اول هجوم ليهم على بغداد سنة 1237 بس ما قدروش يستولوا عليها [29]
صراعات الصالح أيوب مع الأيوبيه

إتوفى السلطان الكامل و ساب ابنه العادل فى مصر وابنه الصالح أيوب فى بلاد الشرق. وكان الصالح أيوب وقت وفاة أبوه بيحاصر قلعة الرحبة بمساعدة الخوارزميه، بعد ما كان استولى على سنجار ونصيبين والخابور، وكات الرحبه دي تابعه للملك المجاهد أسد الدين شيركوه ملك حمص، فلما عرف الخوارزميه إن أبوه السلطان الكامل إتوفى طمعوا فى الرحبه و قالوا ياخدوها لنفسهم فطلعوا عن طاعته، و كلنوا عايزين يقبضوا عليه، بس قدر يهرب منهم على سنجار، فطلع له هناك الملك الرحيم بدر الدين لؤلؤ ملك الموصل و حاصره و كان عايز يقبض عليه و ينقله على بغداد فى قفص حديد إكمنه كان بيكرهه جداً، لكن الصالح أيوب بعت لابنه المغيث فتح الدين اللى كان هو كمان هرب من الخوارزميه على حران، و قاله إنه لازم يحاول يستميل الخوارزميه و يجيبهم سنجار. ونجح المغيث و قاضي سنجار بدر الدين إنهم يقنعوا الخوارزميه بعد ما أكدوا لهم أن الصالح أيوب حايديهم سنجار وحران والرها، فراحوا معاهم على سنجار و هرب بدر الدين لؤلؤ بعسكر الموصل. برجوع الخوارزمية قويت شوكة الصالح أيوب و بعتهم على آمد عشان يساعدوا ابنه المعظم غياث الدين توران شاه اللى كان السلطان كيخسرو ملك الروم محاصره هناك. ونجح الخوارزمية فى تشتيت الروم عن آمد واتنقل الصالح أيوب من سنجار لحصن كيفا

المصدر: منتديات انفاس الحب

---

p;hl lwv_hgwhgp hd,f lwvhgwhgp

المصدر: منتديات انفاس الحب

---

p;hl lwv_hgwhgp hd,f lwvhgwhgp lwv_hgwhgp hd,f p;hl

انتقاءك جميــل
يعطيك العافيه يارب

دمت ودام ابداعك
ودي

/




طرح رائع
شكراً لك

*,

طرح يفوق الجمال
كعادتك إبداع في صفحآتك
يعطيك العافيه يارب
وبإنتظار المزيد من هذا الفيض
لقلبك السعادة والفرح
ودي لك

سلمت اناملك على الإنتقاء
دمت بسعادة بحجم السماء
لقلبك طوق الياسمين

..




طرحَ عَذب ..!!
أختيآر أنيق وحضور صآخب
سلة من الوردَ وآنحناءة شكر لسموك

تسلم ايدك ع الطرح

رائع ماتقدموه من ابداع جميل
ننتظر المزيد منكم
لكم مودتي

يعُطيكٌ آلعْآفيُهِ
بنتٌظآرْ رًوْعةّ ذآئقتُكٌ آلقّآدْمٌه
لكٌ جْنآئنٌ آلوّردْ وُآصٌدقٌ آلوْدٌ
دّمتْ بعُطآءْ وًتميُز .~

-




سلمت كفوفك ..
لطيب الجهد وَ تمُيز العطاء
لاحرمنا الله روائِع مجهوداتك
لقلبك الفرح .