يسعد اوقاتكم
كيفكم اعضائنا الحلوين
امبارح السبت و كانت اللمة عند عمتي
من اول ما دخلت دخلوني ع المطبخ بدهم عثملية بالقشدة
انا جاية اسهر و ارتاح والا اشتغل بالمطبخ
بس يلا عادي في مين ينظف من بعد الشغل :-ff1 (51):
يلا خبركم كيف بتنعمل
عثمليه بقشطه
المقادير :
500 غ عجين عثملية
500 غ سمنة سائله
القشطه المطبوخه :
1 ليتر حليب
100 غ نشاء
اولا يوضع الحليب على النار ،
يذوب النشاء بقليل من الحليب ( يؤخذ من ليتر الحليب عل بارد)
و بس يفور الحليب يضاف النشاء مع التحريك حتي الغليان ،
بس ترفع عن النار يضاف الماء ورد حسب الرغبة
يترك المزيج جانباً حتي يبرد جيدا
و بس يبرد يستعمل الحشو
بالنسبة للسكر فيكون تضيفوا سكر حسب الرغبة و فيكن بلا سكر
عندما تبرد القشطه تماما تخلط ب 500 غ جبنه ماسكربوني ( تعطي طعم لذيذ و غني و قوام كريمي جميل القشطه )
( فينا نجيب قشدة عاديه من محل الحلويات او السوبر ماركت القشدة البلدي )
هيدى اختياري متل ما بتحبو
طريقة التحضير
الطبقة الاولى و كل الطبقات بنقس الطريقة
انا بعملهم صنيتين بنقس المقاس وانتو كمان فيكم بقوالب ميني وفيكم تكبروا الصينة
تفرد شعيرات العثملية علي صنية مناسبة للفرن ترص باليد ،تغلف بورق نايلون ،ثم يوضع ثقل عليها حتي ترص و تكبس جيدا اقله ربع ساعه
- تسقي العثمليه بالسمنة و تقلي بفرن محمي مسبقا على درجة 180 حتي تتحمر و يصبح لونها جميل
- تخرج من الفرن تصفي كليا من السمن و تترك جانبا الي أن تبرد كليا .
- في طبق التقديم
نضع اول طبقة من العثملية ، توزع القشطه علي سطح العثمليه بالتساوي ، توضع الطبقة الثانية و تزين حسب الرغبة .
لا ترش بالقطر مباشره حتي لا تطرى و تش بضل مقرمشة خش خش خش ههههههههه
عند التقديم يضاف القطر فوق القطعه حسب الرغبه