صورة وأبيات شعرية

ياعين هِلِّي صَافي الدمع هِلِّيه
وإلْيَا قضى صافِيْه هَاتي سِرِيـْبه
ياعين شوفي زرع خلك وراعيه
هذي معَاضيدهْ وهذا قِـِليْبِه
فيما مضى لا مالرايه نماليه
واليوم جَيَّتْهُم علينا صعيبه
ان مرني بالدرب ما اقدر أحاكيه
مصيبة ياكبرها من مصيبه
اللي يبينا عيت النفس تبغيه
واللي نبي عيا البخت لا يجيبه

ما كل ساكت ما على خاطره شـي
ولا كل صرخات الحناجر لها صوت .

ليه المساء عوق الشقاوي وطبه
‏وليه الهبوب تصحي القلب لابات
‏
‏وليه المطر بالذات ريحه وصبه
‏كنه رسول(ن) بين الاحباب بالذات

الونه

أون ورياح الليالي توِّني
.................................................. .... والبرد في جوفٍ كما الغار خاوي
ما كن لي قلبٍ ولا عقل كني
.................................................. .... جذع وقف في وجه الايام ذاوي
وبي عبرةٍ محبوسةٍ تمتحني
.................................................. .... في عيني وحلقي وصدري شكاوي
وبي من قديم الوقت جرحٍ مكّني
.................................................. .... وبي من جديد أيام وقتي مكاوي
إن قلت زانت خالف الوقت ظني
.................................................. .... وإن قلت هانت عاجلتني بلاوي
أجامل أيامي ولا جاملني
.................................................. .... هامت بي الدنيا هيام الخلاوي
الوقت جاير والليالي اسهرني
.................................................. .... والحزن ما بين الضلوع متلاوي
أون وكلٍ يحسب إني اغني
.................................................. .... عليل وكلِ يحسب إني مداوي

لو ممتلي صدري مشاريه و عتاب
قافله على أبواب الزعل و التراضي

و الخاطر المجروح يلقى له أطباب
لازم يداري خاطره .....بالتغاضي

ترى السهر مع حبيبكـ يبري العلّه
لا صرت شفق ٍ وهو عليكـ شفقاني