شّهقَة في مُنتَصفَ الطّريقْ

أبتدي بسم الاله عز وجلا
خالق الخلق ورحيم الناسِ
ياهجوسٍ وسط جوفي غنا
من قوافي الشعر بالأحساسِ
من عبير الهيل بعد البُنا
في دلالٍ شفها في كأسِ
جمرها بالمؤقد الي دنا
صالها جمرآ على المحماسِ
ياسميه يانقوش الحنا
ياشبيه الريح يالمياسِ
ياغزال الريم فينا منا
ياخوي البدر بالديماسِ
ياشقيقة قلبي الي حنا
يازهور الريف يالبلاسِ
جعل عيدك مايجيه الونا
ولايجيك من التعب والبأسِ
ولا تصيبك سالفات الضنا
ولايجيك الضيم والخناسِ
يالله أكسيها لبأس الفنا
عقب نفنوف الضفا لبأسِ
وين مالديت عيني جنا
تنقل المرسول بالقرطاسِ
لك ومني وافياتٍ وانا
يشهد عليها هوا النسناسِ


@ أبياتي ذات يوم للأخت سُميه

يابحر جدة عالشواطي سرى الموج
يعانق المركب ويخاوي السفينه
صوته يباري مسمعي ياهل اللوج
من زودن أمواجه بقلبي سكينه
القى النوارس فوق الأشراع ملبوج
يردد الحونن مابيني وبينه
من طربتي تسني مع الموج باأروج
ويردني عقلي لصوب المدينه
وأتذكر أيامٍ مع الناس وأهروج
وأقول يانفسي الحتسي لاحقينه
أحب ضوء الشمس والليل مفجوج
بيني وبينه قطعتن خابرينه
يابنت يالي قابضه مقود الدوج
وين غاديه يابنت ظاهر حنينه
صوت المكينه تسنه العقل مرجوج
أو تسنه الغافي بذكرى دفينه
يحن مثل الي على الدرب محووج
يطوي مسافاتٍ فلا تتعبينه
ياصمت يالي كنك الريح مبروج
يخاوي أنسامه وعينك لعينه
مثل السحاب الي مزابيرك أتروج
من وسمها نلقى الحيا والثمينه
أحجاج عين وسلهم العين به بوج
أيطيح دمع العين في راحتينه
لاهو حزن ولاهو من الروح مزعوج
هذي إبتسامه شف من والدينه
عليه نفنوف الحيا زود منسوج
ضافي على جسمه ثيابن وزينه
تسنه شبيه البدر في ليل ممزوج
ضوه كسى بيت الترف من جبينه
صمتآ بها حقلٍ من الورد مثلوج
عذيب طيبن غافين في يدينه
قلبن رهاوي يقفزن من ورا أضلوع
ضم الأماني مثل ورد الجنينه
ياجعل ربي مايحدك على الحوج
وياجعل عمرك راهياتن سنينه







@ أبياتي ذات يوم للأخت صمتآ

ياصبح سندني على حظ مقسوم
. مدري عن الأيام تهوى أنقسامي
. فالليل فتنة كلما جيت معزووم
.. وأعلان شعرِ فيه نصر أنهزامي
... لاني هزيعُ ولا تقاليت مظلوم
. وشاح وجه الصبح بعد الظلامي
.. هلت نجوم الليل من وجه فطوم
..... وشع منها ضوء كله سلامي
... يابنت ياريح النفل جاش مهيوم
...... أرضٍ غزيره بالهوى والهيامي
.. قدرتس تسبير بين ميزان وأنجوم
.... وأتهل غيماتك طعوس الثمامي
.. ويزهر على جيدك مزاهير ملموم
.... يغشي المكان وزاد حظه تمامي
.... هذي العبية مكنز العز والقوم
... في جنبها أرجال الوفا واللزامي








@أبياتي ذات يوم للأخت فطوم

غلا الشوق


سلام رديةٍ تسبق سحاب الغمام
تسليمةٍ طيبة تنهل برد ومطر
بالله بالله وديها معك ياحمام
للغالية قلب مذخور الوفا والظفر
.............................
قلب

الكِ البقا ياغلا من بعد رد السلام
قافن ورا قاف يثنينا شعاع السفر
والشعر في خافقي كنه بريع الحسام
وأنتِ أحذري من وقوعك في طريق الخطر
......................................


غلا

والله ماجيت ادور في حروف الخصام
تنزل بقلبي وتطوي صفحةٍ من عطر
اقبل كنو الغيوم الي ترادم لمام
وأروي تسبودن ضماها دائمآ مستعر
.....................................
قلب

لا تنطقين الحروف الي علينا حرام
رميتها من ربيع العمر سطرٍ سطر
والله ماهمني ذاالوقت بين الأنام
الا اداويك من بوح الشعر يالفقر
.....................................
غلا

الذيبة الي عواها في دياجي الظلام
غزى قلوبن وغاشيها لوقت الفجر
نابي بيشلع ظهورن وارفه بالطعام
تشبع ورانا هداهيد السما للدهر
..............................

قلب

ياأم الصناديل مرسام الهوى والزمام
حبلك عقدته في إيديني ومابه مفر
لو يكثر الناس من حولك ويعم الزحام
اشويك بشويك لو حالوا جنود وخفر
......................................






@ حرفي ذات يوم للأخوات غلا / قلب

ياهل الشعر بعض الشعر وجهه كتاب
كنه الهـــــــــــــــــــاجس الي قال وين أبتدي
فانشعل في يديني جمر حــــــــامي وذاب
وأرتحل في ضميري جـــــــــــــــمره الموقدي
فانحرق أصبــــعي والنشؤ فوقي سحاب
ما ظهر من سمـــــــــــــــــاها غير نجم الجدي
هاتوا أقلامكـــــــــــــم ياهل اللغة والحساب
واكشفوا عن حججكم والبساط احمدي
المعــــــــــــــــــــــــــزة لها بالقلب وادي وشعاب
حاملآ منهـــــــــــــــــــــــج الخوه وقادي قدي
ولبسنا ثياب الصــــــــــــــدق مهدُ وشباب
والمخــــــــــــــــــــوه كسبناها ثرى من جــــدي
ناسك الحــــــــــــــــرف وديني لعلم إنتساب
يمكن اجـــــــــــود في شعري بقاف أجودي
نور عز الأصايل شـــــــــــــــــاح وجهه غياب
والظـــــــــــــــــــلام اكتسى بلونن سواده مدي
كلنا نرقب الضــــــــــــــــــــــــــوه ولا بوه مجاب
نحسب اليــــــــــــــــــوم والغيبة تدك أكبدي
جيرها ياولي من كل طيـــــــــــــــــــح ومصاب
وأبعــــــد الضيم عنها ياعظيم البــــــــــــــــدي

@ حرفي ذات يوم للأخت عز الاصايل

يابلادي لكِ منا الوفا في الحجاج
وقلوبن عمرها من سنينٍ مضن
والله انا شربنا الحب كيفن وراج
بالقرى والمراكز وأنجبل بالمدن
ياوطن لاجلك انقدم دمانا فلاج
كننا من طيور الجو والا السفن
والطوابير مثل الفي وقت العجاج
وانحن السيل لادمدم سحابه مزن
من معزي لسلمان الحزم والفجاج
قالها شعب ماهزه ظروف ومحن
كلنا شمعة تُحرق من أجله سراج
نضوي الدار من شرق وشمال ويمن
ويعتلي بيرق العزة بغربن سياج
نشلع اقلوب وأجسادن تذوق الطعن
ونردم الخاين الباير بجوف الهداج
ونردع الغاشم الصائل بسيفن يحن
من ظهور الشفق حتى يبين الوهاج
أرسم البوح من صوتن مزيجه وطن
شعرن أحلى من الفنجان طعمه مزاج
في بلادي السعودية بنظمه يجن
الهوى بينا عشقن وفن أمتزاج
بين روحين معزوفه بصوت ولحن


@ حرفي ذات يوم للوطن

بديت بأسم الي له الناس عباد
الواحد المعبود رب العبادي
يامن رفعت السقف لاشد واعماد
ومثبتن أرضك بنود العمادي
يالي خلقت الخلق أعظام وأجساد
وأطعمتنا واكسيتنا بالجدادي
اشكرك ياربي على طول الآماد
يامن عليه أرجي وكل أعتمادي
شافت عيوني مرجهن فوق الأعواد
يرقا بهن فوق المتون العوادي
قمت أسال الحيين صادر ووراد
واسمع على الطرقه نحيب المنادي
يامن على نعش المودين شداد
بالله افهموني من على النعش بادي
قالوا حكاية ودعت ناس وابلاد
وأبكت عيون أهل القرى والبلادي
قلت أقربوا مني مجاليل وأرفاد
لاتمنعوني يوم قلبي رفادي
هذي دموعي وابلها غيم مرداد
ياشهق روحي بين جمع الجيادي
قالوا علامك تكثر النوح بداد
مير اطلب الله رحمته باازديادي
ويبكي معي طير الحناحين وراد
وأسمع حنين الدوح عقب الجمادي
الله يرحم خيتي عد الأعداد
وأعداد من لبى بيوم الجهادي
ياجعل ماواها في اجنان وامداد
في جنة الفردوس ظلُ وبرادي






@ مرثية أختنا الراحلة حكاية حُب رحمها الله

.......... يالله أني طلبتك ياوسيع المجال
........ يامعين القلوب الي هواها أشتعل
هاضني الشعر تحت الشمس قبل الظلال
....... وأرتسم في عيوني حرف ماله بدل
........... والله أني أحبك وزنها من ثقال
......... ذعتها في قليبي وفي هوايه جبل
......... أنثر الهيل في دله غناها رجال
..... نشرب أعبارها من كيف ماله بدل
....... فالشعر له مداوي يفتلونه جزال
........... في ميادين قومٍ طيبهم به قبَل
.......... التحايا محبة والحروف أشتعال
...... بين شعري وبين أسطور حرفٍ فتل
....... ياسفير المحبة شوف حالك وحال
...... قلبي الي يضمه صدر فيك أكتمل
... لايهمك شحيح الوقت غرب وطال
..... يوم أنا شفت عينك ناعسه بالخجل
....... ربي الي عطاك امن الحيا والجمال
..... والله أني بحضنك طفل وإيضآ رجل
....... وان ماهزني إلا ربعتك والوصال
....... شوفها في عيوني مثل غيم هطل
.. كيف أنا أضماك وأنته في شفاتي زلال
... أشربك ماي زمزم وأشربك من وبل
.... أكتبك في حروفي مثل قصر الذهال
...... وأغرسك ورد يحيا مايصيبه ذبل




@ حرفي ذات يوم

ياطير شلوى بدعت القاف بالديني
في قدر منهو على الطولات عسامي
بذكر ربي عدد من هم مصليني
واعداد منهو ملبي والذي صامي
مخيله اقبل وسيله في هدب عيني
واعداد مازاع براقٍ ورا الشامي
يقلون خاوي هل الطيبات مبريني
بري المصفى في ادلال لها ضامي
تلقى المواجب ترحب بك مضاميني
في دار شيخٍ على الخصام لطامي
نظم القوافي في الميدان كاسيني
قدر الرياجيل ماخارت معاليمي
هم الذرا في نهار العسر والليني
مخيالهم عن الف رجال ولو حامي
صقر المراجل نظيف القلب والديني
فيك الشعر ننظمه بدعٍ وفي ارشامي
نشرب من البير دلوه صافي البيني
الله يديمك ذخر ذا العام واعوامي
ويجيرك الله من الحساد والعيني








@ حرفي ذات يوم للأخ صقر المراجل

..... بديت في قافٍ عليه التصاوير
...... على جديد الورق حلو المثنا
....... أبيات ماتحتاج عرفٍ وتفسير
......... فيها تعابير اللحون المغنا
.. من غبطها راحن نسجها مسافير
.. تشرق على اديارن سكنها المعنا
.... وديانها أسودٍ وقممها المصاقير
..... وضلعانها فيها الشغيب المقنا
.... ياوجد روحي والبحر له بوابير
..... وأنا على ظهر البعير المدنا
...... يالله يامرسل علينا التباشير
....... يالواحد القيوم يالله اعنا
.. أحفظ وطنا من جميع المخاطير
..... ياناصر أهل الدين فينا ومنا
. وأحفظ لنا سلمان فخر المناصير
... ومحمد الصامل خسوف المجنا
..... حنا سعوديين نقبل اعاصير
. ندعس على رأس الخصيم المخنا
.. جيشٍ على الحد الجنوبي طوابير
.... نموت دون الدين فدوة وطنا
....... صلاة ربي كلما غرد الطير
.. على النبي الهادي بذكره سكنا






@ حرفي ذات يوم للوطن