دعلج والنملة عفاف(قصة حب)

مقدمــــة :-
طبعآ فشلت في محاولتي مع بنات الأنس وانجرحت جرح مايدملة ((اي مايسدة ومايداوية))ولا 100 عاام وزادت الازمة العاطفية عندي اضعااف ((اكيد من ذاق طعم الحب لازم يحس بحرارتة))<<-- امحق ماضي يالثور
انتقلنا لبيت جديد وحياة جديدة ((يعني صار عندنا سور خارجي)) وصرنا ندقس ((اي نمشي على البلاط بشويش لايتكسر))<<--- والله القراوة وتفاجئت بالحبيبة الجديدة واليكم القصة
رؤس الاقلااام :-

1- بابا انا عوزاة...((عفاف تكلم ابوهاا))

2- بيزوجني او العن امة..((شافي يكلم امة ويقصد ابوة))

3- البرادة...((مكان الغرام))

4- الدربيل..((جهاز لروئية الحبيبة عفااف))

5- شهاار..((مكااان احورقت فية احلااامي))

القصــــة :-

كنت جاي من المسجد مصلي العصر وقعدت في السيب الخارجي في ربعة ((أي زاوية)) دايم نتقهوا الشاهي فيهاا وكنت مبكر ذاك اليوم شوي واشوف نملة مبوبزة وحاطة يدهااا على عيونهاا تصيح ((مثل البزر اذا طقيتة وقعد يصيح)) واقرب منهااا وادقق وقلت سلااامات وشفيك؟؟ ماردت علي وعطتني ظهرهاا ((وابتلشت وشلون ابنغزهااا با اصبعي؟ واصبعي كبير عليهاا)) وانبطح على بطني وتمددت في السيب وانغز كتفهاا بعود اسنان ((عود مبري يستخدم لتنقيب الضروس بعد الاكل))وقااالت نعم؟؟؟ والدموع تمشي لين التنورة حقتهاا ((شدني منظر وجههااا ودموعة الصادقة والصافية ..قلت وشفيك من انتي ؟؟قالت اناا ((عفاف)) وابنتحر مااتخبر شفاط نمل قريب؟؟ قلت لية هدي الوضع وقولي لي السالفة يمكن اقدر اساعدك؟؟ قالت اناا حبيت واحد اسمة شافي ((شافي من النمل الاسود وعفاف من النمل الاحمر ومشهور انة اطخم ((أي حلو)) ويقدر يشيل حبة رز لحالة يعني بطل حديد)) وتقدم لا اهلي ورفضوة اهلي .. يقولون الاصول والعوايد هذاا مهوب منااا وفيناا بكرة يقلب عليك..قلت معليش انااا عوزاة يابابا ((صفقهااا كف ابوهاا انفكت جدايلهاا)) وشافي راح لهلة وقال ((ابي اعرس )) قاال ابوة اخس واقطع مااانبيهم الله لايبيهم هذولي خمااام ((أي النمل الاحمر)) وراح شافي لمة وقال بيزوجني ذاا او العن امة قالت اعقل يا الشين ومن يومهاا سحب نفسة شاافي من الموضوع ((يعني جحد الملعون)) وطبعآ عفااف ماتدري عن انسحاب شاافي ..وشرحت السالفة كلهااا لي وانا منبطح طبعاا ومركز معهااا ودموعي تنزل ((مادريت ان اهلي قاعدين كلهم يناظرون فيني ومتغيرة لون وجيهم)) ويوم حسيت بهلي قم اصرفهاا واغني .. ومشت عليهم

المهم واواعد عفااف بعد المغرب عند برادتناا عشان مايشوفوني اهلي واقعد من صلااة المغرب الين الساعة 10 ووصلت ((جاية رجلية والمسافة كلهاا 5 امتاار)) واقعد كل الليل اهدي فيهااا واقنعهاا انهاا تهدي بالهااا وماتشيل هم وان الزواج قسمة ونصيب ((وانام واناا جالس معهاا وهي تروح للبيت قبل لايقومون اهلهاا)) واذا جاء الصبح لقوني اهلي منسدح عند البرادة وقالو خير؟؟؟ اقول جيت اشرب موية ونمت ...يوم يومين بدو اهلي يشكوون ويطلوون علي ويشوفوني اسولف ومتحمس ((تخيلو راقد وتعابير وجهي واناا اقول طيب قولي لبوك اناا راضية ...طيب خليني اناا افهمة)) طلعت امي وقالت من انت تكلم يا الكلب؟؟ وقامت تقراء علي ((وكل يوم بعد العصر عند شيخ وخذ انواع الدهونات والعزايم ((أي الموية المقري فيهاا)) وانا انتظر بس متى ارجع عشان اشوف الحبيبة عفاااف)) وادلي اسهر مع عفاف ونتصل على جوال شافي ومطفية وتقعد تصيح واخمهااا ونصيح سوى قالت معد يبيني معد يبيني ((حسيت وقتهااا ان فية شي غريب يشدني لعفاااف)) وصرت اشتااق لهاا كثير وافرح با المواعيد ((ناقص حناان طبعا)) وانقلبت البرادة غدير في عيوني اشوف الحبيبة عفاااف عندهاا والله واصارحهااا با الموضوع ((طبعاا بعد مرور شهر على اختفاء شافي وفقدان الامل في رجوعة)) وحتى هي قالت اناا مرتاحة بعد لك ياا دعلووج زاد الحب بينااا ودليناا نسرق انفساناا ونروح عند البرادة ((واذا هي بتروح لجخر احد اقاربهااحطت لي رسالة تحت البرادة واخذهااا واقعد ادور على اطراف اصابع رجليني واخم الرسالة ((كني ارقص بالية)) وللأسف كل المدة هذي امي تشوفني وتراقب ((طبعاا الرسالة ماتنشاف با العين المجردة اقراهاا في الكلية تحت الميكروسكوب ((يعني اصغر من حجم النملة كبر يدهاا)) ودائماا اذا جيت اقابلهاا اخذ دربيل معي عشاان اشوفهااا ((طبعاا يلعن أم الشكل منبطح على بطني وادربل الارض)) توقعت امي اني اكلم الجن واني مجنون وكلمت امي ابوي وحجزو لي في مستشفى شهاار با الطائف وخلصت اوراقي واناا مادريت طبعاا ((كنت في احلى مراحل حيااتي غرقاان في الحب واحلااام مع الحبيبة عفاااف)) لدرجة اننااا سميناا اولادناا اذا جو بعدين ((يعني نسيتهااا شافي وام شاافي)) ويجي ابوي وقاال يا دعلووج تكف اناا تعبان وابيك توديني للطايف ابجيب تمر ((المشكلة في الشتاء مدري وش ها التمر)) قلت سم واجي ذيك الليلة واسهر معهاااا وانا ابودي ابوي بكرة ((كااانت اخر ليلة)) واسهر اناا واياهاا لين الصبح دمووع وصياااح وقصايد ...شوي واسمع البيبااان تتفتح حقت البيت مع بزوغ الفجر واخمهااااا ((طبعاا با الدربيل كني اشوفهاا في شاشة لاتحسبون فيهاا خرابيط علااقة شريفة))واوعدهااا اني اذا رجعت ابفاتح اهلي با الموضوع ((مادريت انهم ودوني لشهار قبل لايعرفون اجل وشلون اذا درو؟؟)) وبا الفعل طلع ابوي وكنت في الايام الاخيرة اطنش الحب اعماااني واتكلم مع النملة قدام اهلي طبعاا مايشوفنهاا يشوفوني اكلم الارض وماسك الدربيل ((اسمعهم يسموون ويصيحون)) بس الحب كاان معميني واقوى من كل شي ومطنش الكل لاني مابي اضيع دقيقة من عمري بدووون عفاااف ((خاصة ان اهلهاا يطلعون يجمعون اكل وهي فااضية كل اليوم)) يعني ضروفهاا صح ...((وبيني وبينكم اناا اكب لهلهاا رز في اخر الفلة عشان يطولون مايجون..وبا الفعل قال ابوي يالله يادعلووج مشينااا ويمسك يدي وهي متعلقة في طرف ظفري وتصيح ((دعلووووج)) واناا اقول ((عفاااف)) وابوي مايدري وش السالفة وابوي يسحبني ويسمي واوصل الباااب وانا ادربلهااا ((رافعة يدينهاا وشفايفهاا تنتفض شرة كيف ابروح واخليهاا)) وطلعناا ..وتم تسليمي للمستشفى يوم الاحد الموافق4/8/1428هـ ومن يومهااا معد ادري وش صاار واناا اكتب لكم الحين من المستشفى..


الســـؤال :-

1-راحت خمس سنوات هل عفااف نستني زي مانست شااافي ولا لا؟؟؟؟؟

2- طيب ضنكم القاهااا ولا تزوجت؟؟ واذا تزوجت كيف راااح اعيش؟؟؟

المصدر: منتديات انفاس الحب

---

]ug[ ,hgklgm utht(rwm pf) pf dugn uthtrwm

المصدر: منتديات انفاس الحب

---

]ug[ ,hgklgm utht(rwm pf) pf dugn uthtrwm ,hgklgm

.
.



استناني خيو المميز دعلج
امممم بس جيت طيران لحتى أرفع موضوعك للتنبيهات
وأختم وأقول راجعة بإذن الله للقراءة بشغف
ما بحب آقرأ على عجالة

ي حياة الشقا ي دعلج :-ff1 (41):

ويييييه انت الي حكت لي عنه النملة عفاف
تصدق طلعت صاحبتها المقربة :-ff1 (41): وبصراح
نصحتها تتزوج لان مر سنة وانت م رجعت

ونصحتها لان اهلها النمل الاسود م يرضون
بناتهم يطولون بدون زواج :ff1 (98):

لكن هي م نسيتك سمت اول اولادها دعلج :-ff1 (30):
لكن اختها رفيف تشبها اذا تبي نملة :-ff1 (4):
وتراهم عائلة زينة اخلاقهم عالية :ff1 (75):


الله يسعدك قصة مرة رائعة // استانست معاها :-ff1 (41):

اقتباس:

المشاركة الأصلية كتبت بواسطة همس

ي حياة الشقا ي دعلج :-ff1 (41):

ويييييه انت الي حكت لي عنه النملة عفاف
تصدق طلعت صاحبتها المقربة :-ff1 (41): وبصراح
نصحتها تتزوج لان مر سنة وانت م رجعت

ونصحتها لان اهلها النمل الاسود م يرضون
بناتهم يطولون بدون زواج :ff1 (98):

لكن هي م نسيتك سمت اول اولادها دعلج :-ff1 (30):
لكن اختها رفيف تشبها اذا تبي نملة :-ff1 (4):
وتراهم عائلة زينة اخلاقهم عالية :ff1 (75):


الله يسعدك قصة مرة رائعة // استانست معاها :-ff1 (41):

ليكون أنتي دلال بنت خالت عفاف اللي كانت تجيبها معها للبرادة وتسولف معنا وتسبر لنا ((أي تراقب لنا الجو)) ههه
تصدقي .. والله كان حبكم عفيف .. حب عذري .. حب غير فاسد .. حب جيد .. حب منتاز .. حب سمرمد !! .. كانت علاقتكم علاقه ليست كعلاقات المصاريه <------ يقول المصاريه علاقاتهم بس عشان الفلوس هههههههههههههههههههه !!

:ff1 (140): الله يقطع بليسك ياربي مت مت
كله كوم وتخيلت يوم تخمها وتصيحون مع بعض
ياربي بموت :ff1 (140): ههههه
يسعد قلبك علي هالسرد الخيالي الجميل
المبعث من قلب صادق ودود
ابدعت وخالقي تحياتي وامتناني لسموك الراقي
300م300ت
لهذا الجمال

طرح رآقي گ روحـگ
لآعدمنا جمآل ذآئقتگ
وبآنتظار جديد آبداعكگ دائمآ
ودي لگ

اقتباس:

المشاركة الأصلية كتبت بواسطة خفوق

:ff1 (140): الله يقطع بليسك ياربي مت مت
كله كوم وتخيلت يوم تخمها وتصيحون مع بعض
ياربي بموت :ff1 (140): ههههه
يسعد قلبك علي هالسرد الخيالي الجميل
المبعث من قلب صادق ودود
ابدعت وخالقي تحياتي وامتناني لسموك الراقي
300م300ت
لهذا الجمال

ههههه
عاد والله تدرين بنات النمل أزين من بنات الأنس ، ومقومات الجمال عندهم طبيعية ، لا عمليات تجميل ، ولا ميك اب ولا سيلكون ..
خفوق شكرا على الكلمات الجميلة اللطيفة التي غمرتني بها. وتلطفكم بالمشاركة والتعليق

اقتباس:

المشاركة الأصلية كتبت بواسطة الوافي*

طرح رآقي گ روحـگ
لآعدمنا جمآل ذآئقتگ
وبآنتظار جديد آبداعكگ دائمآ
ودي لگ

الله يسلمك والله اشكرك على هذا الاطراء في هالموضوع

قصه حلوه ومشوقه
شكرا لكم على هذا الطرح الرائع
دمتم للأبداع عنوان
بانتظار الجديد دائما
تقبلوا مني أعطر التحايا معطرة بالرياحين

اقتباس:

المشاركة الأصلية كتبت بواسطة أبو محمد

قصه حلوه ومشوقه
شكرا لكم على هذا الطرح الرائع
دمتم للأبداع عنوان
بانتظار الجديد دائما
تقبلوا مني أعطر التحايا معطرة بالرياحين

شاكر لك مرورك
وسرني انها حازت على إعجابك
دمت بخير