سجل حضورك ابيات الشعر

ماعاد تفرق من يجي ومنهو يروح !
بس ،، المهم من راح .. يقفي بشره

‏ياحلو الخشوع لا صار بالعين دمعه
‏ تذرف دموعك وأنت لربك ساجد

‏ أفضل أيام الله هو يوم جمعه
‏مشهد عظيم الناس تملأ المساجد

‏ عسى لنا في جنة الفردوس جمعه
‏ ياحلو الشهاده وأنت لربك ساجد

‏لا تحكي جروحك وأحزانك لكل الناس حتى لا تكون أنت وآلامك قصة للترفية وأحاديث الآخرين ..

إنما ارفع شكواك الى الله وحدثه عن حزنك فلن يشعر بك غيره .. فتذكر قوله تعالى "إنما أشكو بثِّي وحزني إلى الله" .

‏زادك الله فوق خلق الله قبول
‏من يقول ان البشر متساويه!

لا قام صدرك بالهواجيس يكتظ
سبح و هلل و اذكر الله و ترتاح
لاتشتكي وتقول انا مامعي حظ
الله هو اللي يرفع الحظ لا طاح

وانا الي احبك بدون قياس
‏من سالفتك لآخر سكوتك

قالوا تحبه ؟؟ قلت بالحيل أحبه
وأحب التراب اللي وطت به خطاويه

قالو غلاته ؟؟قلت ياناس صعبة
أوصف غلا اللي عن غلا الروح مغليه

سعادتي لو هي دقايق بقربه
تسوى العمر كله مع كل ماضيه

أبطيت عنـك و الغلا زادنـي شوق
عقلي و قلبي والمعاني تقولــه

العالـــم الله منزلـك عالــي فوق
يصعب على كل البشر يوصلونـه

اكتب لك شعر وارسلك اشعار
اقرا قصيد الناس واذكر عيونك

حب الكلام يموت لو عاش لحظات
وحب القلوب يعيش لو كان مدفون

ياذا المساء روق وجيب الطواريق
خل النفوس بـ روعة الجو تسلى

فنجال من دله وكاسة من أبريق
ونفـس خفيفة مع قصيدً محلي