قالها لي شايب ألماني طبعاً القصه عن نفسه ومن الواقع .
يقول كنت شاب واشتغل فالشرطه وراتبي زين .. يقول فكرت اتزوج واخترت البنت اللي اريدها وتزوجتها ومرت الايام والله رزقني منها بنت ، كبرت البنت وقلنا حان الوقت اللي نبني لنا بيت يضمنا نحن الثلاثه ..وننتقل من بيت الايجار ../-
يقول نحن هنا مش مثلكم ما نحتاج شركات ومقاولين .. يقول نحتاج مهندس يصمم لنا كل شي فالبيت
من الطابوق للكهرباء وناخذه ونعتمده ونوثقه فالبلديه ونبدا نبني
حسب المخطط مع وجود المهندس واشرافه
المهم يخبرني كيف تم البناء .. كانوا يجتمعون فاجازة الاسبوع مع اصدقاءه وربعهم ويبنون البيت وهكذا الى ان جهز ويعطيهم فلوس حسب كم ساعه اشتغلوا..، وعلى فكره عندهم الشاب الالماني يجيد جميع الاعمال لأنهم ينفقون على نفسهم الى ان ينتهون من الدراسه مثلاً النجار اولاده يشتغلون عنده براتب .. الخ
وطبعاً ما بتصدقون ان هذا البيت بُني بهذي الطريقه لأني قدرت ادخله بعد ما علمني كيف اصعد اي مكان عالي بدون تعب وهذه قصه ثانيه بقولها لكم مره ثانيه ..
البيت مبني على هضبه خضراء ... عباره عن قبو ودور راضي بعدين درج خارجي من الحجاره الطبيعيه وعلى يساره شجرتين تفاح لون الفاكهه احمر قاني يشهيك تاكله وهو فالشجر من حلاته .. وكان كل مره يخبي لي كم تفاحه هههه .. اعشق هالشايب ... المهم طلاء البيت من برا
ابيض من الجص مخلوط باللون الابيض
ومطعم بألواح الخشب من اجود انواعه ولما تصعد للدور الاول حوض من الحجاره مصفوف بطريقه رائعه ومزروع فيه انواع من الورود والصباريات ..
وطاوله من الحديد المشغول الاسود مع اربعة كراسي ...
وكان دايماً يرفض اني اخلي الشوز برا
ويقول عادي ادخلي فيه وانا ارفض
وداخل البيت غرفة جلوس صغيره على اليمين وحمام على اليسار
وكل اثاث البيت ابيض
ما عدا جلسة التلفزيون جلد بني ...وارضيات البيت لونها برتقالي غامق يلمع من جماله ونظافته ..
وحوالين البيت بلكونه تشوف فيها الجبال والبحيره والشمس ... الله على ذوقه وتفننه فاختيار اجزاء البيت
وفي مطبخ وفيه طاوله وجلسه على الجدار وهذي الجلسه تعتبر معلم تراثي لسكان الجبال .. وهذا المطبخ
فأي بيت الماني ما يسمحون لأحد يدخله ويشاركهم فيه وجبه او كوب قهوه او شاي الا لو كنت مقرب منهم
ويعتبرونك صديق وكلمة صديق حط تحتها الف خط لانهم ما يعطون هذي الكلمه لأي انسان ... حتى كوب ماي ما يقدمونه للغريب ولا يدخلونه بيتهم ... هذي الاشياء عرفتها من خلال وجودي معاهم
المهم انا استحيت اروح الطابق العلوي والبقيه راحوا ومدحوه لي
وكيف انه انسان مرتب بشده
بنكمل القصه
يقول بعد ما كبرت البنت شوي تغيرت عليّ الحرمه صارت تعيب على لبسي وشكلي وكيف اني دايماً برا
وفالشغل وما اهتم بنفسي ... وان طلعاتي للصيد اكثرت .. ومره تقول انت وقتك كله مع ربعك واحيان تقوله انت فلاااح .. يقول وانا صابر علشان البنت ... وفيوم رفعت قضية طلاق وتطلب نص البيت ونص ما املك ... هنا قضت عليّ وكان الموت اسهل لي من اني اسلمها بيتي اللي بنيته لبنه لبنه .. وشفته يكبر يوم بعد يوم .. وزينته برؤوس الوعول اللي كنت اصيدها وافتخر فيها ... ودارت بي الدنيا .. وهنا تخبرني جارته انهم شافوه ماسك بندقية الصيد بينتحر
فوقت اختفى عنهم وما عاد يطلع من البيت .. تقول جارنا الطبيب شافه من الزجاج وركض يخبرني ورحناله وحاولنا نكلمه ونواسيه .. وانه طز فكل شي الا صحتك وبنتك محتاجه لك .. قال حتى بنتي بتاخذها وانهار عليهم
واجتمعوا كل اصدقاءه واتفقوا انهم ابداً ما يطلعون عنه واحد ينام عنده والثاني يداوم .. الى ان هدت نفسيته شوي ويكمل لنا هو القصه يقول قالت لمحاميها انها بتبيع نص البيت اللي حكموا لها فيه والمسكين ما عنده فلوس يشتريه .. بس اصدقاءه اشاروا عليه انه يحط شرط للمشتري وهو انه لو عزّم انه يبيعه فيوم من الايام يكون هو الاحق فيه اولاً .. وفعلاً انكتب هذا الشرط فعقد المشتري الجديد .. ومرت الايام وكبرت البنت وتزوجت فالنمسا لان امها سكنت وتزوجت هناك .. بس البنت كانت تزوره وانجبت ليزا حفيدته ويحبها جداً تخيلوا الكالندر او الرزنامه كلها صورها وقالي فيوم انه بكتب هالبيت لها بعد وفاته ،،! والآن هو عندها يقضي اجازة الكريسماس عندهم ..~
المهم قبل سنه خبرني انه قام بتثمين البيت وعرف قيمة الدور الارضي وان المبلغ جاهز فالبنك من ما جمعه من مبلغ التقاعد بعد ما وصل الى سن التقاعد ترك العمل وبقيت هواية القنص للوعول مثل ما هي ..وتسلق الجبال ثاني هوايه عنده ههههه ولنا لقاء ثاني عن مغامراتنا معه فالجبال
وهذي قصة الشايب
شوفوا كيف كان ممكن يموت من الصدمه
وكيف هو وفاء الاصدقاء
وجارته اللي ما تركته فأزمته
سبحان الله العظيم
إنتقاد الناس للألمان كان محيرني
وما كنت مقتنعة بأي مما يقولون
خاصة لما يقولوا فيهم جلافة
لا هاي مو جلافة أنا أحس من حقهم
إنهم يختاروا الإنسان اللي يبونه صديق
ومن حقهم هذا يدخل بيتي أما لأ
ومن حقهم يحذروا في تعاملهم
أنا ما أشوفها منهم شوفة نفس
وفي منهم اللي قال عنصريين
من وصفك لذوقه ولجمالية المنزل
حبييييت ونفسي أشوفه حقيقة
صحيح لا قالوا يا ظبية .. لا توريني وجهك في فرحي
إثبت لي وجودك في ضيقتي < ايش رايك في حكمتي
ما أقلد أحد قال قبل أمس حكمة
معليه عالكلمة بس الزوجة فكرتني بالحمار
اللي إذا شبع ... قام يرفس .. مالت عليها
الله يخلي لنا الصاحب الصادق الصدوق
ويبعد عنا وعنكم شرار الناس
والمتلونين
تمت إضافة 500 م // ت
الأعضاء الذين قالوا شكراً لـ إيمي على المشاركة المفيدة:
فديتج حلومتي وايمي
بشوف لو عندي صور فيه ما اتذكر وانا ما احب اصور اخاف ما يعجبهم بس اكيد مره صورت
شوفي فيهم عنصريه بس لما يعرفونج ويتعودون عليج يتغيرون
مثلا ً الشايب نفسه اول يوم يشوفني عند العجوز يسلم من بعيد
ويرفض ياكل من طبخي وله نظره فالمهاجرين واللاجئين
بس بعد فتره صار يحبنا وينتظرنا ويخطط وين بيودي اخواني واي جبل
ويجي عندنا وياكل من اكلنا لدرجة ان العجوز فيوم قالت له تراهم اصدقائي انا مش انته ههههه يحبون يهاوشون بعض :ff1 (119):
تاج النساء اتوج وجودي هنا بتصميمك وللأبد لن يكون لنظري غيره
ادارتي لكم حبي وتقديري واحترامي
في وحده اموت عليها وعلى قلبها الابيض واقولها احبج من الامارات للسعوديه ( حبيبتي حكايه):
ظبية حبيبتي سلم قلمك واحساسك
كل حرف يدل ع ذوووق احساسك
قصة سرديتها بمشاعرك سلمتي
"قالت مساء النور يا كل الحضور
قلنا : مساء الذوق يا نور المسـاء
مثل القمر شوفتك بأنصاف الشهور
يا شيخة الترفات من كل النساء !!
منذ ان ادخلتك قلبي واقتحمت انت حياتي
اغلقت عيناي عن جنس ادم جميعهم
اصبحت امُـثّـل مقولة ( لا اسمع لا ارى لا اتكلم ) امامهم
اراهم مجرد خيالا لا يجذبني ولا يستهويني شيئا منهم ..
الأعضاء الذين قالوا شكراً لـ شيخة الجنوب على المشاركة المفيدة:
قصة جميلة عن الشايب الالماني
وفعلا قرب الاصحاب منه عطاه امل انه نص البيت مايروح منه
فكرهم وشغلهم مره ترتيب وعندهم حب كبير لصاحبهم
استمتعت بتواجدي هنا كاتبتنا ظبية
تمتلكين قلم ذهبي وحس جميل جدا
واصلي تميزك
والى الامام
اعجابي وتقييمي سبقو ردي
الأعضاء الذين قالوا شكراً لـ мᾄʀἷὄ على المشاركة المفيدة: