!! في ركني الهادي مزوني ممطره !!

ماكتبــــت الا الجـــــزال ولا عشقــــت الا الاصيله
والاصيلــــه عشقها ماهــــو بعيــــب ولا حرامي

ويش اعدد ويش اخلي من وصايفها الجميله
من عشقهـــا واحتواها معـــــه حــق ولا يلامي

فاارس الحرف

تعال هناك ياحبٍ سكن قلبي تعال هناك
مكانٍ كــل ما نشتـــاق فيـــه الحب يجمعنا

ومع زحمـة مشاعرنا ياحبـي غير انا واياك
ونبعد عن عيــــون الناس ماتقدر تطالعنا

فاارس الحرف

بسم الله الرحمن الرحيم
السلام عليكم ورحمة الله وبركاته \
اسعد الله جميع اوقاتكم بالخير
الجديد والحصري لكم آل أنفاس الحب
لعله يعوض أيام غياابي


لي وقت ما شاركت خالــي مكاني
والناس تسألني على ويش غايب

واقـــول كـــــلٍ من ظروف الزماني
لابـــد مــا يلقــــــى بدربـــــــه نشايب

واذا صفـــــى جوي على ليل داني
كتبـــــت شعــــرٍ فــي زمان الغرايب

شعــــــــرٍ بيوتــه كل ابوها سماني
ما جابهـــــــا منقـــــود والا شوايب

واذا بدعــــت القـــــاف لا ماعصاني
اما يجــــــي بـ ارضــــاه والا غصايب

لعيـــــــــون حـــــيٍ بالمحبـــــه رماني
وعن الغــــــــزل لا شك ماني بتايب

لبيـــــه ياللــــي بالزمــــن ما نساني
وقلبي معه ويقول ماني بسايب

لامـــن طرت لـــي طيبته والحناني
يفـــــــز لــــه قلبــــــــي بليـــــا سبايب

واجيلـــــه من البعـــــــد لاشك عاني
وارخص له الغالــــي بكـــل النوايب

دامـــــه يناظرنـــــي وقلبـــــه دعاني
لبيـــــه ياللـــــي من خيــار الكسايب

وطلة جبينــــك يا فصيــح اللساني
بدرٍ تجلّــــــــى بيـــــــن كـــــل الحبايب

الناعسات اللـــــي تجيـــــب الأماني
عــــــــن قربهـا يازيـن ماني بهايب

لو جيت اراهن ماخسرت الرهاني
علـى جمالك ياعســـى الحظ طايب


مشاهده ممتعة اتمناها لكم

بقلمــي // فاارس الحرف

ياصبـاح الخيـــــر ياللي من جماله
لـــه يفــــز القلــــــب لا منـــه تعدا
***
ومن جمالـه ساكــنٍ قلبي لحاله
يامـــــر وينهـــــى ومايــن ويتحدا
***
واعشقــه والقلب مايبغى بداله
واشهد انـــه له بقلبــي كل ودا

فاارس الحرف

عطـــــر الازهـــــار فوّاحي
انعش القلب واحساسه

وانجلــى الهـم وانزاحي
وكلن يفضفـض لجلاسه

وغـــرد الطيـــــــــر صبّاحي
وجــــوّنا هــــــب نسناسه

فاارس الحرف

للوافي صباحـــــي

هلا يالــوافـــي الله لا يهينك
مرورك يعتــبــــر اكبــــــر هديه

وعن التقييم ماتقصر يمينك
وكفــــك بالوفــــاء دايـم نديّه

فاارس الحربي

ابحتسي فنجال من دلـة الكيف
حتــــى علـى بدع البيـوت اتكيّف

والكيف فنجاله هوا كل كييف
من دلـــة الرسلان كيـــفٍ يكيّف

فاارس الحرف

اشتهي شوفك ويسعدني لقاك
وان تلاقينـــــا تـــــــرى منــــــي وعد

غيــــر اضمك ياحبيبـــــــي من غلاك
والمشاعـــــر تستــــريـــــح وتستعد

فاررس الحرف

كل الحكاية صبـــاح الشوق
ياللي سكن داخل اعماقي

لايـــــق عليك الدلـع ويروق
لــو بعثـــر الفكـــر واوراقي

فاارس الحرف

رهيف احساس واوصافك تهبل
ودايــــم مسكنـــك بيــــن المحاني

وأحبــــك لا تقــــــول انـــــي مطبل
ولك حبـــــي وشـكــــري وامتناني

فاارس الحرف