سرور اسرع رجل في العالم.. الحلقة الأولى

سرور اسرع رجل في العالم
سرور من كان صغير وهو حلم حياته يكون انسان سريع
من يوم بدأ يمشي وهو يطب ويطيح (من مصطلحات الشياب)
حتى وهو بالمدرسه في النشاط الرياضي يشارك بفعاليه
ويمثل مدرسته في مسابقات المدارس وكان هو المميز في مدرسته
وما شاء الله عليه انسان صبور ومكافح
وله جماهيرية كبيرة في مدرسته
دائماً بالسباق ترتيبه الاخير
بس للامانه سرور في مسابقة الماراثون كان غير
السباق ابو يوم ينتهي بثلاث ايام
مو لان الاحوال الجوية سيئة ابداً
كلهم يوصلون بنفس اليوم وسرور
يشد شنطة الكشتات وهو بالطريق
يهفه راسه ويبغى قهوه ولا براد شاهي
ما يحرم نفسه من شيء
لاجل كذا مضطرين يجلسون حتى يحضر المتسابق الاخير
هذا الكلام كله ما كان يعجب سرور
كان وده يكون مثل النفاثه سريع
ويقدر يلحق الارانب والجرابيع
بس وش السوات
لو ينفع فيه ترهيم كان رهم نفسه (الترهيم هو التعديل في السيارات)
بيوم طلع سرور للسطح يركب له دش القنوات
وهو طالع الدرج وشايل على ظهره كل العده
زلقت رجله وحاول يقف ويثبت نفسه ولكن
خلاص ما عاد يقدر
طاح سرور على ظهره وضرب راسه بالجدار
اغمى عليه من العصر ولا فاق الا الفجر
وش ذا هاه وش صار
كل الي يتذكره انه كان طالع الدرج وطاح
المهم يتفقد نفسه
الحمدلله لا دم ولا غيره ولا فيه فقشه ولا شي ثاني
راح واغتسل ويسمع اقامة الصلاة وراح يصلي
سرور يحس فيه نشاط مو طبيعي على غير العادة
راح يتمرن على الجري مثل كل صباح
وحاط ساعة الصفر حقت العداد بيده
شغلها وهو العادة ما يخلص المسافه الا بساعه
بدا يجري وينظر بالساعة وهو مو مصدق
خط النهاية قريب وهو باقي ما حس بتعب
ثواني وش ذا القدرة والعزم 380 حصان
وصل النهاية قال لا مو معقول يمكن الساعه خربانه
ولا انا عقلي فيه شي
مشى وراح لبيته
بعد العصر راح للمعسكر حقهم لابس ملابس الرياضة ومتجهز
كالعادة لازم يسابق الي دائماً يفوزون عليه
جاهم سرور هيا يا شباب خلونا نتدرب
وهم يطقطقون عليه وش تبي تسابقنا فيه يا السلحفاة
وهو بكل ابتسامه أمل يناظر فيهم وكله طموح
هالمره قالوا بنجري معك بأقل سرعه وان شاء الله تقدر تلحقنا
قال طيب طيب هيا توكلنا على الله
بدأ السباق وهم يجرون قدامه كالعادة وهو وراهم تعثر وطاح
وقام وبدأ يجري
قالوا لبعضهم شفتم البطيء شدينا بس خلونا نتمرن مالنا وماله
وهم يتنافسون مع بعض الا واللي تعداهم وسبقهم مثل البرق
اعوذ بالله وش ذا الي تعدانا
شوي ويهدي الا وهو سرور
ما شاء الله وشلون هاه كيف
ما عرفوا وش يقولون وهو مو مصدق انه سبقهم
لا هذا انجاز كبير لازم افرح وارقص واغني اخيراً سبقتهم
طموحه كان بسيط ما يفكر الا كيف قدر يغلب اخوياه ويهزمهم
كان بالمدرجات بالصدفة الي كانت بلا ميعاد
مدرب المنتخب في العاب القوى
كان جاي يزور صديقه مدرب سرور
بس ما لقاه راح ينتظره بالمدرجات وشاف سرور الطلقه
قال خلاص هذا الولد لازم اشيله معي للمنتخب
هذا الي بيجيب الانجازات ان شاء الله
جاء مدرب سرور
والتقى مع خويه مدرب المنتخب
قال مدرب المنتخب وش ذا الكنز الي عندك وهو يأشر على سرور
مدرب سرور ضحك بإستغراب سرور كنز
مدرب المنتخب :ايه هذا الي بيجيب لنا الانجازات ان شاء الله
مدرب سرور :يا ابن الحلال ناقصين.. شكلك تمزح ولا ضاربتك شمس
مدرب المنتخب :لا والله مافيني الا العافيه وشفت سرور
يسابق زملائه وكانت سرعته غير طبيعية كأنه نفاثه
مدرب سرور :السلحفاة!!!
مدرب المنتخب: طيب وش رايك تجيب اسرع لاعب عندك وتحطه
بسباق مع سرور
مدرب سرور :فاضين للسباق اكيد سرور بيكون خسران
مدرب المنتخب :جيب اسرع لاعبينك وشوف
راح مدرب سرور وجاب افضل لاعبينه وجمعهم هو وسرور
وقال لهم ترى مدرب المنتخب بيختار واحد منكم
لذلك رتبنا سباق جري بينكم انتم الاثنين
سرور: اخيراً جات الفرصه.. انا جاهز يالمدرب
تجهزوا واعلن المدرب انطلاق السباق
وش ذا الي يصير مو معقول
ما خطى اسرع المتسابقين خطوتين الا سرور بخط النهاية
ومدرب سرور مو مصدق
ومدرب المنتخب يصفق ويشجع احسنت يا سرور
تم ضم سرور للمنتخب
هنا راح تبدأ مرحلة جديدة بحياة سرور
..........

يتبع في الحلقة القادمة

المصدر: منتديات انفاس الحب

---

sv,v hsvu v[g td hguhgl>> hgpgrm hgH,gn hgl,g] hg/hgl vdl

المصدر: منتديات انفاس الحب

---

sv,v hsvu v[g td hguhgl>> hgpgrm hgH,gn hgl,g] hgpgrm hg/hgl hsvu vdl sv,v td

هههههههه اشك من الطيحه ذيك
اثرت على مخه هههه
سرور صار طلقه
شي عجيب هههههه
طيب منتظرين الجزء الثاني
بشوف وش صار له
تسلم يديك كااادح
قصه روعه
واسلوبك اروووع
منتظرررين
ودي لك

اقتباس:

المشاركة الأصلية كتبت بواسطة غلا الشوق

هههههههه اشك من الطيحه ذيك
اثرت على مخه هههه
سرور صار طلقه
شي عجيب هههههه
طيب منتظرين الجزء الثاني
بشوف وش صار له
تسلم يديك كااادح
قصه روعه
واسلوبك اروووع
منتظرررين
ودي لك

ههههه

الله يحييك يا غلا

والحلقه الثانيه فيه الخبر الأكيد

نورتيني بحضورك وتواجدك

طرح رآقي گ روحـگ
لآعدمنا جمآل ذآئقتگ
وبآنتظار جديد آبداعكگ دائمآ
ودي لك

اقتباس:

المشاركة الأصلية كتبت بواسطة الــوافــي

طرح رآقي گ روحـگ
لآعدمنا جمآل ذآئقتگ
وبآنتظار جديد آبداعكگ دائمآ
ودي لك

سلمت يا رائع

ممتن ومقدر لك هذه الكلمات الرائعه

تحيتي لك

ربى يعافيك ويسلمك

على هالطرح الرائع

ماننحرم يارب

-


سلمت الانامل على ـآلنقل..
جوريهه لــ قلبك.

قصه جميله
سرد ممتع
بارك الله
بك وبقلمك
لاعدمناك
:100:

اقتباس:

المشاركة الأصلية كتبت بواسطة reemas

ربى يعافيك ويسلمك

على هالطرح الرائع

ماننحرم يارب

سررت بحضورك هنا

لك تحيتي وتقديري

اقتباس:

المشاركة الأصلية كتبت بواسطة إحــسٰاسي لگ

-


سلمت الانامل على ـآلنقل..
جوريهه لــ قلبك.

ليست نقل

هي من كتاباتي

تحيتي لك