الحشيمة ||سعد علوش

الحقائب .. والمطارات العتيمه
............ والدروب اللي قبل نوصل عتيمه
والخطاوي اللي تتعبها الملابس
............ كيف عاد حمولها السود المقيمه ؟
وإبتسام الناس في وجه المسافر
............ ومالهم شغل ف نعيمه و ف جحيمه
والضياع اللي بلا ... مئوى وملفى
............ لا صديق..ولا شقيق...ولا عزيمه
وسايق التاكسي وأخبار الإذاعه
........... وريح كشنات السيارات القديمه
كلها أشياء ....... تقتلني فرادا
............ كيف لاإجتمعت على قلبي وضيمه
أنا واحد والجروح ألف وخصومي ؟
........... إتكاثر..... وإختياراتي عقيمه
أنحرف ؟ ولا أنجرف ؟ ولا أتطرف
........... كلها أمرار... وأحلاها أليمه
ماإخترت أكون شاعر أو عاشق
........... عالم الأقدار ماينصف غريمه
والمحبه .. معركه مافيها رابح
............. إيتساوى النصر فيها والهزيمه
أغلب الأشياء اللي نغليها ... توافه
............ لونا مانغليها ؟؟؟ ماكان إل ها قيمه
حبنا ل الشيء ... حب إلنا أساسا
............ شوف الإنسان ومشاعره الأليمه
وأنا ماحب اللي أحسه...شي ثاني
............ مالقوا له اسم أو ... كنيه سليمه
لا قيود ولا حدود .... ولا تتابع
............. النسيم شلون ب يفسر نسيمه ؟؟
من يزور أعدائه ويعطف عليهم !
............. من يعاقب نفسه ويرضي خصيمه ؟
من يحس الناس كل الناس أهله !
............. من يحس ان روحه ب تحيا مديمه
ممكن يبكيني مقطع شعري تافه
............ وممكن ألعب عام مع طفله يتيمه
وممكن أتعاطى منشط أو مخدر
........... مرحله ,, عواقبها جدا وخيمه
أنا باقيني ( أنا ) نصف اللي كنته
.............. مع أمل كذاب وأضداد...وظليمه
الأوديه مسرح بداياتي البريئه
............. م أعتقد باقي بها وادي وأهيمه
علمتني من عشقت أن لا أراوغ
........... أقصر خطوط الوصول ( المستقيمه )
ف مايخلي الرجل يحب ب كل قوه
............. إلا .. لامن حب له وحده حشيمه
اخ لوشفتوا الوشاح اللا نهائي
............ منهو منكم شاف شمس تجر غيمه ؟
الحليب / الصبح / الورد / التسامح
............ هي جميع أشيائنا البيض الرحيمه
كل إبن ادم مذمم ب الخليقه
........... إلا هي مافيها أي حاجه ذميمه
بنت قلبي وأم روحي وإخت عيني
............ ( سيدة ) كل العلاقات الحميمه !!
علميها ... يا طيور الصبح عني
............ لاكليتي الخبز من كف الكريمه
إن وجودي وجد من باعوه ناسه
............. عقب ماباعوا ركايبه...وحريمه
وإشتراه اللي من أول عبد عنده
............ وحط في رقبته وفي وجهه وسيمه
كل ماذكر طاري الفرقا وأنا اعرف
............ الظروف اللي بلا رحمه وشيمه
واحدن مثلي إليا طال إنتظاره
............ ماتلاقي الريح باقي من هشيمه
ايتلاشى .. كنه ماكان وما كنه
............ قاضي الحاجه وقطاع الخريمه
شاعرن ب يخلد التاريخ إسمه
........... من فضل حسه ومن فضل أهل النميمه
رمز ... لكن بعد موته لأن قومه
............ تحترف تمجيد الأموات العديمه
عاش حقبه من حقب عصر التمدن
........... السما .. فيها تبترا من أديمه
علميها يا طيور إنها وفعلا
............. حيدت صميم قلبي عن صميمه
علميها ... يا طيور إنها وشكرا
............. لخصت لي كل الأحداث الجسيم
تخسر الدنيا وتخسر كل حاجه
............ عندما تخسر لك إنسانه عظيمه !

المصدر: منتديات انفاس الحب

---

hgpadlm ||su] ug,a

المصدر: منتديات انفاس الحب

---

hgpadlm ||su] ug,a ug,a

تسلمين غناتي
ذوووق

تسلم ايدك ع الطرح ....

شكرا لكم على هذا الطرح الرائع
دمتم للأبداع عنوان
بانتظار ما ستجود به أقلامكم دائما
تقبلوا مني أعطر التحايا معطرة بالرياحين

شكرا لكم على هذا الطرح الرائع
دمتم للأبداع عنوان
بانتظار ما ستجود به أقلامكم دائما
تقبلوا مني أعطر التحايا معطرة بالرياحين

سلمتِ على حسن الاقتطافة
بوركتِ وبوركت جهودك العظيمة
تقديري ..

شيله رآقيه گ روحـگ
لآعدمنا جمآل ذآئقتگ
وبآنتظار جديد آبداعكگ دائمآ
ودي لك

سلمت الأنامل المتألقه
على روعة طرحها وانتقائها الجميل
شكراً جزيلاً لك
وربي يعطيك العافيه
مودتي لك

طرح في غايه آلروعه وآلجمال
سلمت آناملك على الانتقاء الاكثر من رائع
ولاحرمنا جديدك القادم والشيق
ونحن له بالإنتظار,,~

_








:

سَلِمت يمنـاك
رآق لي ما خُطّ هنا يَ ألق
وافِر تحيّــاتي !