عبر عن حالتك النفسية ببيت شعر

‏كـل شيٍ في وجـودك به حـلا
و كل حرفٍ تكتبه يعني حضور
لو تغيــب الخلق تبقى يالغــلا
طــلّتك عــطري و ابـياتك بخور

‏
بعض الغلا ماهوب ميت ولا حي
‏مثل المريض اللي تعذّر ،، علاجه
‏تشيل همه وانت مافي يدك شي
‏لكن مزاجك مرتبط في ،، مزاجه

راقي بذوقه وقلبــه بالــوفا راقي
لووزع الطيب بيــن الناس يكفيها
ربي متوج وفاه بحـسن الاخلاقي
واغلى الجـواهر باوصافه يحــليها

احساس شاعر ويكتب الحرف فني
في كل حرف يزين لوني ولونــــــه

بوحي

ينتابني لك عظيم الشوق و أضمه
كنك على كثر ما اطريك .. قدامي

يا قـلم أكتب لأبيض القلب بيتين
وخـذ السلام وين ما كـان وده
قـله مساء الخير يا واحش العين
وعــسى حياتك حب وفرح وموده

‏يبان في عين الوفي مابذلته
لو كان ما تبذل معه كل مجهود
وغيره لو تسوق العمر ما كسبته
مثل الحجر تدعيه من غير مردود

على رفْقة الطيّب يسير الزمن قدّام
أماري بطيبه و أرفع الرّاس و أردّد

سلامي على اللي ما تنكّر مع الأيّام
غلاه و نباه و موقف الطّيب متجدّد

نفس الدقايق والمشاعر والمكان
جيتك وانا ضايق وادوّر؟ للسعه

داخل عليك من التخاذل والهوان
ترى الليالي دون وصلك موجعه

قالوا تحب الخيل ياعاشق الخيل
قلت المشاعر وصفها فوق ذوقي

صهيلها يطرب لها القلب بالحيل
يــصحى بها الـنايم ذولا وذولــي