سبق نشرها بقلمى
وهى تعتبر لغه عاميه جداً
كل ما أجى أغمض عنيا يحلا الخاطر ليا ...
بكتبلك وأتطلع لصورتك وأنتى ولا سائله فيا
أية يعنى بعتلك وما بترديش..... طيب لية... مش حأعمل أستفهام الرد جدام عنيا .
بصى يا بنية.. أية يعنى أنتى عايشة فى جصور بتصحى الصبح تلاجى فطور وخدم وحشم
وسواج وعربية وناس كتير بيجيبولك هدية . لا أنا ملياش فى الحتة دية .
متزعليش ... أنا بأجول اللى فى جلبى عمرى ما أدس حاجة ودة محبب الناس فيا .
أجولك.. أنا أتولدت بين جبلاية وبحراية لا شفت طير ولا نخلاية .
أية يعنى حداكى جفص عصافير بس حبساهم . علشان تسمعى صوتهم . لا أوعى
تفكرى بيغنولك أبدا دة صوت حبسة وتأسير
أنا برضة حدايا عصافير بس فوج شجرة زرعتها بأسمع صوتهم وصوت جمارى كتير .
أية يعنى يا خيتى مؤهلك كبير .
.. حيا اللة أنا حتة معهد متوسط خدتة ومش بية الحياة بتسير ومن بلد بعيدة عنى
وشفت كتير بس ما غضبت ربى أبد ا ودة من فضلة الكبير .
أية يعنى بتجولى يس .. ونو ..
لا أنا غير العربية ما بأ جول .
لو أنتى عربية .. مصرية .. شامية... خليجية... عراقية... سورية..لبنانية أو من أى بلد .
أنابرضة ..شامى وأمى شامية.. سعودى وأمى سعودية.. لبنانى وأمى لبنانية..
مصرى وأمى مصرية ..سورى وأمى سورية.. ..عراقى وأمى عراقية.. فلسطينى وأمى
فلسطينية.. جزائرى وأمى جزائرية... ليبى وأمى ليبية.. يعنى من كل البلاد العربية
طيب لية ما بتردى عليا.... ردك جانى..
فكرتينى باللى ليا .... أنا مرة صحيت من النوم ............. لا لجيت أمى ولا أبوى ولا أخ
ولا صدر حنون .داجت بيا الدنيا .. سجيت الارض دمع بدل المية ..
بأكتب دولوكتى والدمعة بتفر من عنيا..... رب العزة جوانى وكافحت ورسمت طريج جدامى
صح عايش مفيش عيلة وحدانى بس الحمد اللة حبايب وخلان .
اليوم عشتة لغيرى بألف يوم .. همة .. جد .. مفيش نوم .
أحمد ربى عايش ومبسوط وبأحمد الرحمن وعزة النفس عندى أكتر من الفلوس .
أنتى سنك أكبر منى طيب أية السن يعنى .
أسألى عنى فى كل مكان أسم عالى ولية مكان. وعمرى ما سألت حد على حاجة .
ودلوكتى بأسألك لية ما بترديش عليا دة حتى النت أنا فية جديد لسة بادى
بأحب الناس.. بأحب الجبل... بأحب البحر ... بأحب الزرع بأحب الطيور أكتر من كدة مليش
أجولك أية علشان ما بترديش .......
جلت أجول الكلمتين جبل ما أروح شغلى فى صحرا صوت مكن كتير ودوشة وصفافير
بأشوف بنية بتستنانى لما أرجع شغلى فى أيديها عصاية ومعاها كام غنماية........
جلبى بيفر منى لما بأشوف عنيها .
مرة رحت لأبوها وحكيتلة الحكاية لجيتة بكى من أول كلماية خلانى بكيت ومشيت
وهملت المكان ودموعى فى عينيا. وأدينى صابر على حالى....
ومن يومها والصورة فى بالى.....
أرسمها ... أصنعها .... وأبوسها فى خيالى.......
وأنا حأشوفها بعد يومين...
( وبرضة بأسأل أنتى لية ما بترديش )
Hkjn gdi la fjv]n ugdh Ndi Hs lkj[ jfvd]
Hkjn gdi la fjv]n ugdh Ndi Hs lkj[ jfvd] ugdh
إنتسابي ♡
أنتى ليه مش بتردى عليا
العرض الشجري
