طلــة جبينك

#1 18-12-2020

بسم الله الرحمن الرحيم
السلام عليكم ورحمة الله وبركاته \
اسعد الله جميع اوقاتكم بالخير
الجديد والحصري لكم آل أنفاس الحب
لعله يعوض أيام غياابي

لي وقت ما شاركت خالــي مكاني
والناس تسألني على ويش غايب

واقـــول كـــــلٍ من ظروف الزماني
لابـــد مــا يلقــــــى بدربـــــــه نشايب

واذا صفـــــى جوي على ليل داني
كتبـــــت شعــــرٍ فــي زمان الغرايب

شعــــــــرٍ بيوتــه كل ابوها سماني
ما جابهـــــــا منقـــــود والا شوايب

واذا بدعــــت القـــــاف لا ماعصاني
اما يجــــــي بـ ارضــــاه والا غصايب

لعيـــــــــون حـــــيٍ بالمحبـــــه رماني
وعن الغــــــــزل لا شك ماني بتايب

لبيـــــه ياللــــي بالزمــــن ما نساني
وقلبي معه ويقول ماني بسايب

لامـــن طرت لـــي طيبته والحناني
يفـــــــز لــــه قلبــــــــي بليـــــا سبايب

واجيلـــــه من البعـــــــد لاشك عاني
وارخص له الغالــــي بكـــل النوايب

دامـــــه يناظرنـــــي وقلبـــــه دعاني
لبيـــــه ياللـــــي من خيــار الكسايب

وطلة جبينــــك يا فصيــح اللساني
بدرٍ تجلّــــــــى بيـــــــن كـــــل الحبايب

الناعسات اللـــــي تجيـــــب الأماني
عــــــــن قربهـا يازيـن ماني بهايب

لو جيت اراهن ماخسرت الرهاني
علـى جمالك ياعســـى الحظ طايب

مشاهده ممتعة اتمناها لكم

بقلمــي // فاارس الحرف

المصدر: منتديات انفاس الحب

'gJJm [fdk; 'gJJf

المصدر: منتديات انفاس الحب

'gJJm [fdk;