كتمان الشعور ..

السلام عليكم ورحمة الله وبركاته
بعد غياب طويل ..
عُدنا بهذة الابيات آمله ان ترتقي لذائقتكم


تغافلت الشعور اللي يجيني من سنه وشهور
يالين احساس قلبي مات من يومي تغافلته

بعدها عشت مدري مت مالي في الحياه ظهور
ولا به شي نسّاني .. ياليتي ما تجاهلته

كسرت بخاطري واحرمت نفسي من لذيد شعور
وتركت اغلى بشر وبخاطري له شي ماقلته

بقى كل الكلام اللي كتمته جمره بـ حنجور
على الله يالشعور اللي بصدري من سنه شلته

ابنثر ماشعرت بدفتري وابكي مابين سطور
وابضحك للعرب لو كان ضحكي ماتحملته

اخاف ان الاوادم يعرفون الخافي المستور
وانا احرص مايبان اللي بوسط الصدر ناقلته

كذا طبع الكبير يشيل همه ..والليال تدور
يبي يضحك حجاجه لوها الاحزان قاتلته

الحان
:ff1 (61):

المصدر: منتديات انفاس الحب

---

;jlhk hgau,v >>

المصدر: منتديات انفاس الحب

---

;jlhk hgau,v >>

رغم الالم و شعور الندم هنا منثور..
الإبداع طرزتي و بحرفك الإعجاب نلته..
طبع الكبير.. عزة النفس له دستور..
ما ينحني حتى لو كان القلب ظالمته..


جميل الغياب احيان لو يطول..
عندما يأتي بعده مثل هذا الهطول ..

ابيات نسجت بجمال المعنى و الكلمات ..
صح البوح..
و بانتظار المزيد من قلم..
اعتدنا منه حبر الروعه يسيل ..

كتمان الشعُور اصعب من الشعُـور نفسـه
الحان
اهلا بحروفك النقيه
واهلا ب انهارك العذبه
‏اهلاً بصفاء قلمك وبياض سطورك
تمت الاضافه

تغافلت الشعور اللي يجيني من سنه وشهور
يالين احساس قلبي مات من يومي تغافلته

بعدها عشت مدري مت مالي في الحياه ظهور
ولا به شي نسّاني .. ياليتي ما تجاهلته

كسرت بخاطري واحرمت نفسي من لذيد شعور
وتركت اغلى بشر وبخاطري له شي ماقلته


الكتمان شي من العذاب
قهر يضم روحك لين تختلط ضلوعك

حروف جسدت لوعة حرمان من ترجمة شعور

حرف سخي بالاحساس يلامس القلب

سلمت الانامل

,





اهلا بعودة اقوى شاعره في المنتديات
ياسلام ع الأبيات مشاءالله
عسى ربي يبعد عنج الحزن ويسعدج دوم :ff1 (119):

قصيده روعه مثل ماعرفتج
صح لسانج وتسلم ايدج
لج الزين +

الله الله على الابداع والجمال
قصيده جدا جميله
واضحه في معانيها
حملت في سطورها الالم
ومع ذالك شامخه لاتنكسر
ابدعتي وكنتي رائعه كعادتك
دمتي بخير شاعرتنا
تحياتي لك

~








عوده حميده الحان والله يجعلها اخر الغيبات ،
ثم اهلاً بشاعرتنا الجميلة ،
والله يبعد عنك وعنا الحزن ،
صح لسانك ي جميلة ،
ودام لنا نبض قلمك الأنيق ~|

و عليكم السلام ورحمة الله وبركاته
أهلاً و عوداً حميداً

اقتباس:

بقى كل الكلام اللي كتمته جمره بـ حنجور
على الله يالشعور اللي بصدري من سنه شلته

ابنثر ماشعرت بدفتري وابكي مابين سطور
وابضحك للعرب لو كان ضحكي ماتحملته

اخاف ان الاوادم يعرفون الخافي المستور
وانا احرص مايبان اللي بوسط الصدر ناقلته

سلمت يمينكِ وصح لسانكِ و احساسكِ
أبدعتِ في عزفكِ غاليتي
جُوري وتقدير لكِ :ff1 (195):

قلمك لا يخط أحرفا فحسب بل ينثر دررا
لك مني المودة والـوردة

،


صح الحرف
وصح الاحساس
وصح الشعور
ابيات معبرة وجميله
كتبتي فاابدعتي
مااروعك،ونتظرالمزيد
مودتي