TikTok Feta Pasta على طريقة عيون بيروت تعالو تعالو
يسعد اوقاتك اكيد بتعرفو برنامج تيك توك و بلاويه
في وصفة صارت الترند الاول بالتيك توك
قولت جربها وشوف بس حبيت ضيف عليها كم شغلة
وما رح قولكم انها واوا بالطعم بس حلو التغيير
بجاط يدخل الفرن نحط الطماططم الكرزيه ونرش عليها زيت الزيتون والبهارات و بالوسط نحط جبنة الفيتا و اذا حابين شويه جبنة موزريلا
وكمان شوية زيت زيتون و ندخلها الفرن حوالي 45 دقيقة
بعد ما تطلع من الفرن نهرسها بالشوكة شوي و نحط المكرونه المسلوقة
و ع الوجه نحط ريحان او البقدونس
متل ما بتحبو
وصفة لذيذة و سهلة و فيكم تتحكمو بالمطيبات متل ما بتحبو