نبض ... وقلمه .... الله يستر
السلام عليكم ورحمة الله قلمي هذا شريته من سوق الحمام .... على أنه صقر ان جاء براسي شيء ودي أكتبه .... حطيت القلم في يدي ...
|
10-12-2019
|
|
نبض ... وقلمه .... الله يستر
السلام عليكم ورحمة الله
قلمي هذا شريته من سوق الحمام .... على أنه صقر
ان جاء براسي شيء ودي أكتبه .... حطيت القلم في يدي ...
وأهدّه يحوم على الورق ويكتب لكم شيء ينقرا وشي ما ينقرا
ومرة هالقلم يحوم مثل الطيور ومرة يسكن مثل البومه
ومرة يطربكم مثل الكناري ومرة يغرد مثل الغربان
ومجرد أنه يطيح اللي براسي ... حطيت غطاه على راسة وهجد
اللي يجي هنا .... أبغاه يكون وسيع صدر
ولا ياخذ الكلام إلا على محمل المرح
ما أقصد أحد بعينه .... والموضوع كله وساعة صدر
بسم الله نبدأ
kfq >>> ,rgli >>>> hggi dsjv
kfq >>> ,rgli >>>> hggi dsjv dsjv kfq
|
4 أعضاء قالوا شكراً لـ نبض المشاعر على المشاركة المفيدة:
|
|
10-12-2019
|
#2
|
شايب كل يوم يلاقي عياله مشغلين لمبات الملحق وتاركينها
جاء العيال في اليوم الثاني لقوا أبوهم شايل كل لمبات الملحق
وكاتب أي لمبه تشتغل أبفكها واخذها معي
|
|
التعديل الأخير تم بواسطة نبض المشاعر ; 11-12-2019 الساعة 12:23 AM
|
2 أعضاء قالوا شكراً لـ نبض المشاعر على المشاركة المفيدة:
|
|
10-12-2019
|
#3
|
أكره شي عندي إذا كنت في فندق خمس نجوم
وفي المطعم بوفيه مفتوح وتجي مزّه وراك
تقول لها تفضلي قبلي وترفض وتقعد تراقبك
وانت تعبي صحنك بالأكل .... الرز تاخذه بالملعقه ويكون
متماسك ... بس يشوفها تناظر فيه ... يجيك متناثر
واللحمه راسها وألف سيف ما تترك الفخذ مهما قطّعت فيها
ويكتمل الإرباك إذا أخذت معك ملعقة الخضروات ورحت تاخذ بها السلطه
تتمنى ذاك اليوم انك ما جعت ولا جيت للمطعم .... ويزيدك
قهر لما تترك الملعقه وتقول لك بكل رومانسيه : خلّصت؟!
من زود القهر ودك تقول : لا ... باقي أحك ظهري
وإذا جيت عند العصير .... وتلاقيها سبقتك للعصير
واستحت وقالت لك : لا تفضل وعيونها تبتسم
ترى مهوب إعجاب فيك ....
هي تبي تتابع مسلسل الربشه اللي جاك
|
|
|
5 أعضاء قالوا شكراً لـ نبض المشاعر على المشاركة المفيدة:
|
|
12-12-2019
|
#4
|
رحت للإستراحه ولقيت الشباب خارج الخيمه متوترين
توقعت فيه ثعبان داخل الخيمه ولا هم قادرين يقتلونه
جيتهم : وش فيه قالوا قطو داخل الخيمه ....
جانا منطلق منحاش من قطو ثاني يبي يضاربه
وخفنا من القطو وطلعنا وكل ما جينا نطلعه يهاجمنا
دخلت الخيمه ولقيت القطو متخبي بين الجدار والزوليه (الفرشه)
ودخلت يدي ومسكته من جلد رقبته ورفعته لهم وهم عند الباب
وقربت منهم متباهي إني مسكته وقمت أشير له بأصبعي وأقول:
هذا اللي خايفين منه ... وشكلي قربت أصبعي من فمه بدون ما أنتبه
وعظّني عضّه من قلبه الله ياخذه ... من قوتها رميته
وجاء منطلق للباب يبي يهرب ومن إرباكهم طاحوا على بعض
كلن منهم يبي يهرب ... مدري أضحك عليهم وإلا أبكي من حرارة العضّه
وتركتهم ورحت للمستشفى من حرارة العضه كأنها نار
الدكتور مهوب مصدّق أنها عضّة قطو يحسب انه الله يعزكم (جرذي)
والا ثعبان ... وكل ما جيت الإستراحه وشافوا أصبعي ... هات ضحك
|
|
التعديل الأخير تم بواسطة نبض المشاعر ; 12-12-2019 الساعة 09:15 AM
|
3 أعضاء قالوا شكراً لـ نبض المشاعر على المشاركة المفيدة:
|
|
16-12-2019
|
#5
|
في نظري أسوأ أثنين يغازلون بعض هم ...... الحمام
الذكر يطرد الحمامه وين ما راحت ويسوي حركات غريبه
يقعد يهزّ راسه كأنه يقول (قولي موافقه ... قولي موافقه)
والأنثى تسحبه معها وين ما راحت
وإذا صارت مقهوره منه ... تمر به من عند سياره تحتها
قطو وتخليه يصيده وهي تطير
أو تقطع به شارع إذا شافت سياره جايه مسرعه وتخليها تصدمه
|
|
|
2 أعضاء قالوا شكراً لـ نبض المشاعر على المشاركة المفيدة:
|
|
21-12-2019
|
#6
|
أسوأ موقف في حياتي ... كنت حاط السماعه في أذني وأكلم جوال
ودخلت لبيت الوالد الله يرحمه في المجلس الخارجي (ملحق كبير على شكل خيمه)
وجالس أضحك مع خويي في الجوال وشغلت التلفزيون
وطلعت لي أفلام كرتون (آخر مشاهده من عيال أخواني)
دوّرت الريموت حق الرسيفر ما لقيته وانشغلت عنه وأضحك مع خويي
دخل الوالد الله يرحمه ومعه ضيف ... ثم بسرعه قال للضيف : خلنا نروح
المجلس الثاني لين يخلّص ولدي من أفلام كرتون !!!!!!!!!!!!!!!!
|
|
|
2 أعضاء قالوا شكراً لـ نبض المشاعر على المشاركة المفيدة:
|
|
24-12-2019
|
#7
|
قال لها : إني أحبك
قالت له : وأنا أكرهك
وش تنتظرون ؟! ........ خلاص ... انتهت القصه !!!
يعني لازم أقول لكم أنا البطل في القصه
علشان تكون نهاية القصه سعيده لكم!!
|
|
|
2 أعضاء قالوا شكراً لـ نبض المشاعر على المشاركة المفيدة:
|
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
| | | | | | |