بنحتاج بيضة بنضيف عليها ربع ملعقة خل ابيض
و نص كوب حليب + نص كوب لبن زبادي
وربع كوب زبدة
وضروري يكونوا بحرارة المطبخ
مو باردين ابدآ
بنخلطهم كثير منيح مع بعض
وبنضيف عليهم بعض الحشوة بصل احمر مقطع صغير
مخلل , زيتون , فلفل الوان , اي اشي بتحبوه
وبنخلطهم مع بعض
بنحضر المواد الجافة بنحتاج
كوب ونص من الطحين المنخول
و كوبين من الجبنة اي نوع بتحبوه انا حطيت موزريللا
ملعقة كبيرة سكر
ملعقتين صغار بيكنج باودر
ونص ملعقة صغيرة ملح
واعشاب عطرية اوريجانو و ريحان
خلطنا المواد الجافة والسائلة مع بعض
وصار خليط المافن جاهز
بنحط الخليط بقالب كب كيك
بعد ماندهنه بزيت نباتي ونرش عليه طحين
وبنرش ع الوجه جبنة و بابريكا
وبندخله الفرن اللي شغلناه مسبقآ
على درجة 180 وعلى الرف الاوسط
لمدة تفريبآ ربع ساعة او لما تشوفوا
الحواف صار لونها ذهبي
وهيك لما طلعوا من الفرن شكلهم وريحتهم يمممي
تركتهم يبردوا اشوي وطلعتهم بكل سهولة من القالب
وحطيتهم بصحن التقديم