صباح الفول بالسمن و التميس
و الشاهي المنعنش < ما قصده يجوعكم
كيف الحلوين < وش فيكم ما احد رد
![Ff1 (178)](images/smilies/ff1 (178).gif)
الا الا سمعتكم كلكم رديتوا بسم الله عليكم
قبل كم يوم مريت الخياط اللي دايم اخيط عنده < و احد قال انك تأكل عنده
![Ff1 (42)](images/smilies/ff1 (42).png)
المهم من دخلت و اسلم و اعطيه ابتسامه
![Ff1 (26)](images/smilies/ff1 (26).png)
و بادلني الابتسامه
عاد كان في عنده زباين
و اسمع الاعتذرات و انه ما عاد يمديه يستقبل اي طلب
![S (100)](images/smilies/s (100).gif)
و طلعوا الزباين
و اعطيه ذيك النظره الحزينه < يقال اني بأثر عليه *~*
تعال تعال لكن دون وعد استلام قبل العيد
طيب و انا الحين كيف اعيد بثوب
شافوه الناس
![S (112)](images/smilies/s (112).gif)
< ما اقصد شي بالفيس ترى
![S (36)](images/smilies/s (36).gif)
هههههههه
كل مره اقول خلاص ذا السنه بفصل بدري
لكن ما من جديد
الا ع طاري الابتسامه خلوني اعلمكم ذا السالفه
< و الهذره اللي فوق وش كانت
المهم < مسولف مسولف الله لا يعوق بشر
نزلت السوق بأخذ لي غرض
و يوم دخلت المحل اللي ابيه
اول ما دخلت ابتسمت و سلمت
![S (80)](images/smilies/s (80).gif)
و جاني الموظف و رد السلام و الابتسامه< ركزوا بالابتسامه ترى كل السالفه عليها
و حسيت في شي غريب
قال تصدق اني نسيت متى اخر مره دخل علي زبون يبتسم
عاد و انا اصرف له ابتسامه ثانيه
![S (5)](images/smilies/s (5).gif)
و اروح اخذ الغرض اللي ابيه
و يوم جيت احاسب و قالي السعر
انا عاد اللي استغربت هنا
![Ff1 (178)](images/smilies/ff1 (178).gif)
لان اعطاني سعر مخفض بالمره
اقرب انه يكون سعر رمزي < متعوب على ذا الكلمه
![S (4)](images/smilies/s (4).gif)
و قلت له مو معقوله ذا السعر
احس ان السعر في خساره لك
قال ابد ما في اي خساره يكفي الابتسامه اللي دخلت المحل فيها
< ادري ودك تعرفون الغرض اللي اشتريت
لكن خلكم لن اشبع فضولكم
عاد من بعدها صرت قبل انزل اي محل
من السياره اكون مبتسم
![Ff1 (50)](images/smilies/ff1 (50).gif)
و مرات تزبط و مرات تزحلطن
و انتم عاد اعتمدوا الابتسامه
لكن ما ادري عندكم زي ابتسامتي الساحره و الا من جنبها و تراها تبيعي< يعني طبيعي لا هوليود و لا شي هههههههههههههه
و اللي يدخل مدونتي و هو مو مبتسم راح اصكه بلوك < مدونه ي ابو الشباب ما هي سناب و الا تويتر ^~^
و بجد عاد
وش بيخسر الواحد لو ابتسم حتى انه بيكسب اجر
يعني و بشي بسيط و اعتبره تمرين لعضلات الوجه و تخسر سعرات و تكسب فوق الاجر تخفيضات
و صباحكم ابتسامه ترتسم على كل اوقاتكم < تعويض عن التصبيحه اللي جوعكتم فوق