طبخة من بلدي~

مرحبا انفاسنا الحلوين كيفكم جبتلكم اليوم وصفة من مطبخنا الاردني اكلتنا الاولى واللي بنقدمها بافراحنا و احزاننا ولضيوفنا و لحبايبنا واللي مافي اكلة بالعالم بتنافسها عند اي اردني وصفتي المنسف الاردني و طبعآ حصري لعيونكم رح ابلش معكم بالمقادير و الطريقة مع بعض اول اشي بغسل الرز منيح و بنقعه والرز لازم يكون رز مصري او اي نوع قصير الحبة الرز البسمتي لأ مش زاكي للمنسف وبخرب طعمته وكمان رح انقع فريكة خشنة بعد ما انظفها و اغسلها كثير منيح هلأ بنيجي للحمة استخدمت لحم خروف بعظم غسلته منيح وبدي اسلقه نص استواء عشان يكمل طبخ مع اللبن بعدين طبعآ مابحط مع المي تاعت السلق الا بصل حبة صغيرة و ورق غار و هيل مطحون شفت ناس بتحط ثومة و اعواد قرفة و قرنفل مع سلق اللحم لأ ابدآ مابصير منسف :-ff1 (30): في اثناء سلق اللحمة بجهز لطبخ الرز و الفريكة عشان كلشي ينطبخ مع بعض بحتاج لطبخ الرز لكل كوب رز ملعقة كبيرة مليانة سمنة انا استخدمت خليط بين سمنة بلدية وعادية و رشة صغيرة كركم بسخن السمنة بالاول وبعدين بضيف عليها الرز بعد ما اغسله واصفيه من المي بحركهم مع بعض منيح واتأكد كل الرز متنغنغ بالسمنة بغمر الرز بمي مغليه و بضيفله الملح و بغطيه بخليه ع نار عاليه لما يبلش يغلي بهدي عليه النار و بخليه براحته يستوي و بنفس طريقة الرز بطبخ الفريكة هلأ بتكون اللحمة جهزت لتنطبخ مع اللبن استخدمت لبن مخيض مع نص حبة من الجميد الجميد للي مابعرفه هو حبات لبن ناشف لما نطبخ منسف بنضيفه ع اللبن بعد ماننقعه بمي مغلية وبنضربه ع الخلاط الكهربائي ماصورتلكم الجميد لأني لما خلطتو باللبن ماكان ع بالي اصورلكم الطبخة يللا الخير بالجايات بصورلكم الجميد طبعآ بحرك اللبن باستمرار لوقت مايغلي مشان مايفرفط لما يغلي اللبن بحطله بهارات المنسف بهارات المنسف عبارة عن مجموعة زهور و اعشاب بخلطوهم امهاتنا مع بعض وبطحنوهم و بضيفوا عليهم فلفل اسود و هيل مطحون ناعم و كركم و بالنسبة للبهار الثاني بالمنسف الحلبة المحموسة المطحونة مابستغني عنها لاي اكلة بدخل فيها اللبن المطبوخ نكهتها كثير زاكية وهيك حطينا البهارات و تركنا اللبن يطبخ مع اللحمة و زبطنا الملح وصار اللبن جاهز وهلأ ترتيب المنسف و تقديمه للاكل اول اشي بنحط بصينية التقديم او السدر زي ما بنحكي احنا الاردنيين بنحط خبز شراك اكيد بتعرفوه و بنشربه بشوية لبن و بنحط عليه الرز فوق الرز الفريكة وفوق الفريكة اللحم و اللوز بنصفي اللبن و بنحط رشة بقدونس و بنجمع حبايب القلب مع بعض اللبن والرز و اللحم و مخلل بلقمة محرزة ونقول بسم الله و صحتييين وهنااا ع قلوبنا و قلبكم ويارب منسفنا عجبكم و ان شالله انتظروني بوصفات ثانية في امان الله :ff1 (35)::ff1 (35):

المصدر: منتديات انفاس الحب

---

'fom lk fg]dZ l, fgd] 'fdf

المصدر: منتديات انفاس الحب

---

'fom lk fg]dZ l, fgd] fg]dZ 'fdf