صلوا على النبي
اللهم صل على محمد وعلى آله وصحبه أجمعين
~~
كانت صديقه
من صديقات الطفوله
كبرنا معاً
وكانت عائلتها ترفض ان البنت تتزوج من غير العايله
لذلك خواتها اللي اكبر عنها بقن بلا زواج ~
وكانت ايضاً تمنع البنات من الاختلاط بباقي اولاد وبنات الاقارب
يعني ابداً ما يشوفن احد لا من قريب ولا من بعيد
بس كانت تفرح يوم تشوف الناس فالعيد وخاصة لما يكون ولد عمها من ضمنهم
كيف تشوفه هههه الوسائل كثيره
والشبابيك كثيره !!
المهم نبض قلبها كان يشعرها بالفرح لقدومه ، وكانت تحكي لي عن مغامراتها
الصغيره وكيف تقدر تشوفه بدون ما يدري طبعاً..!
وتمر الايام وتسمع ان امه تدور له عروس من عايلة فلان وفلان
وكانت حزينه جداً .. ولكن عرفت ان ولد العم يفكر فيها وانه
ما نسى شكلها يوم كانوا يلعبون وهم صغار
وانه يريدها هي ولا يريد غيرها
وان زواجه تأخر بسبب خلاف بينه وبين امه
وكانت البنت تعبانه نفسياً ، فأمه شخصيتها قويه جداً ..،!
وبعد سنوات وافقت عليها وكانت البنت تدرس فالجامعه ما كملت دراستها
فوقفت لما اخطبوها ،،!
وطبعاً تشرطت للحفله وكل شي وتجبرت العمه بصراحه
المهم ما لكم فالطويله
تزوجت البنت وسكنت معاهم فنفس المكان وليس البيت
كانت ارضهم كببره وفيها بيوت للجميع
ويالله شكثر كانت سعيده وفرحانه انها خذت اللي قلبها اختاره وعادي تتحمل كل شي منهم من اوامر وحركات العمات والحموات
ومرت الايام وكانت البنت حامل فالشهور الاولى
وفيوم حزين صار حادث توفوا الاخوين مع بعض فنفس اللحظه الله يرحمهم
اتذكر هاليوم رحت لها وكانت تحاول تتماسك قدام الناس بس لما وصلت عندها انهارت وحضنتها ونسينا الحريم وكل شي ويوم هدت تركتها تستقبل المعزيات
ورحت جلست مع امي وحريم العايله واشوفها من بعيد ودموعي تنزل وما اقدر اتحكم فيه
وانتهى العزاء ورجعت لها وبديت ازورها واهدي من روعها
كانت حنونه على الطفل
وايضاً تركت غرفة زوجها مثل ما كانت وعاشت فغرفه مقابله لها
وقالت لي اريد كل شي وريحته وملابسه مثل ما هي وقفلتها ومحد يدخلها الا هي
ومشاعرها دفنتها مع زوجها وقررت تعيش لطفلها
سبحان الله
محد يدري شو الله كاتب له
وحتى لو تمنى وصار ما يقدر يحافظ ويتاكد انه وصل وخلاص يتطمن
قدر الله وما شاء فعل