انتظرتك بالوعد كلي عتاب ويوم شفتك صرت انا كلي عذر صاحبي واللي خلق يوم الحساب مالقيت الا انت لي منك مفر لي سؤال ٍ في عيونك له جواب وفي عيوني من عيونك له قهر ليه أحبك ؟ وانت لي هم وعذاب ليه قربك نار وفراقك جمر ليه أشوف الكون من دونك خراب ليه اشوف اليوم بغيابك دهر
ليه اصدقك ومواعيدك ..سراب ليه أكذّب جيّـتك لي وانتظر !!
ظالمي حلـّفتك بـ ربّ الكتاب ليه كل ماجيت اعاتبك ..اعتذر ؟!
السمـا لاجلك تغـار من التراب كل نجمة ودهـا بـ ارضك حجر
كل زين ٍ من حلا زينك يهـاب وكل عطر ٍ وده انك لـه عطـر !
وكل عمر ٍ لك يبي عمره شباب وكل درب ٍ منك يتمنـى أثر !
الحضور ان غبت غار من الغياب والغياب ان جيت رافقك وحضر