23-12-2022
|
|
⁂ Steering wheel ⁂
مش هتتربّى نفسيّاً غير لما تتوجع في قلبك ..وقتها يا هتفوق من نص المشوار على قلم
محترم و درس عظيم
وترجع تقف على رجلك من جديد ...
أو هيحصلّك تخبّط وتمزّق نفسي ،ينسيك الطريق منين وازاى وامتى وانت فين وبتعمل ايه هنا !!!!.....
وتفضل تأذّي في نفسك أو في خلق الله ...
ياهتروح تتعلّق وتنكسر تاني وتالت ....
يا تعلّق حد بيك وتكسره انت بمنتهى القسوة اللي في الدنيا ....
في مشاوير في بدايتها لازم تعمل return وترجع بسرعة رهيبة .قبل ما تتسحل...أو تشوف أقرب كافيه وتريّح وتاخد نفَسك عشان تقدر تكمّل وانت واثق انك بتموت ...
وفي مشاوير صحابها ماشيين فيها بمزاجهم وسايقيين على أعلى سُرعة بغض النظر عن الحادثة التُحفة اللي هتغيّر مصيرهم للأبد وتحوّلهم لجثمان بدون روح ... وتتزايد عندهم الرغبة في الموت او التخلّص من الشريك ....اللي دفعهم للفكرة دي ......
لو لسه في ايديك Steering wheel وكل ادوات التحكم في القيادة ...اهدا كده واستهدا بالله وشوف السكة كويس فيها نور ،اضاءة جيدة متسفلت ،مطبات في مكانها صح ...كله تمام ...يبقى كمّل 👌🏽
لكن لو الطريق مُظلم ،غامض ، متعرّج ، كسور وحُفر ...اقف ما تكملّش..لف وارجع تاني🤚 ....
/
\
انتهى
⁂ steering wheel ⁂ steering
⁂ Steering wheel ⁂ ⁂ steering
|