ي ولد آثاريني من زمان عن مدونتي
فقلت خلني أخلي عيديها عيدين
و منها نسلم و نعايد عليكم يا حلوين
صباحكم مقلقل و حركات
و انتبهوا من الخديدات
و كل عام و انتم بخير..
و كل عام و ايامكم بالمسرات غير..
و كل عام و انتم بسعاده و احسن حال ..
ايوه و الاخبار و العلوم
كيفكم و كيف عيدكم
و كيف كانت الحصيله خلال اول يوم
و على فكره قبل لا انسى
طلبت لكم عيديات
لكن المندوب ما جاء الا وقت الغيبوبه الجماعيه
و يوم صحيت اتصلت عليه
قال خلاص عطلنا لمدة أربعة ايام
و الا انتم تعرفوني دايم عيدياتي تسبق حضوري
و بعد الاجازه ذكروني أتواصل معه < يا رب ينسون
ودي اسولف عليكم
لكن للاسف طاقتي بالأحمر
من العايدين!؟
تعاديني!!
يا شيخه:
العيد للي حولك:
بشوفك هم الفايزين ..
< ذا مقطع من الخاطره اللي نزلتها اليوم
و اللي وده يشوفها كامله يرفع الشاشه على فوق
و المايك معاكم اللي عنده مشاركه و الا أنشودة
صح نسيت اقولكم :
اني بسوي الكبده اللي يبي
يجيب معه بريال خبز بُر و يجي ^~^
كل عام و انت بخير..
بس!!
لا لا ما تكفيني!!
و لا حتى ابيها بهمس..
قربي!!
بعد قربي اكثر : و ضميني..
.........كذا انا بخير يا عيدي..
كأن الفرح بحضنه محتويني..
يا قديمي و الان و جديدي..
ياللي عندي عن كل البشر غير//
رايق!؟
لا تسأليني!!
دامك بقربي انا كذا:
لو كنت من كل شي حولي ضايق //
فايق!؟
يكفي :
اشوفك..
يا متفرده بوصوفك//
و استلذ بصوتك..
تذوب الحروف بين توتك//
و تطربيني بسوالفك ..
من يلوم الكناري لو توالفك//
و ضحكتك..
يوووه يا نبرتك:
اللي من اسمعها كأني للفرح ذايق//
لايق!؟
عليك الدلع..
الجمال:
..........لدلته فنجالها بس لك سايق//
الخلايق!!
بحضورك غياب..
و ان غبتي ما احدٍ يسد بمكانك//
قولي امين :
……يا عسى عني ما يعوقك اي عايق //
(مدخل:
احيان يجيك شخص مستغرب!!
شفت فلان كيف اليوم فرحان//
و الا ذاك كأن مال لحزنه مغرب!!
ليه الغرابه!؟ هذا حال الانسان//
مرات تقرأ ابيات تقول:
الشاعر ذا عايش بعالم خيالي//
و تمر على عباره تتسأل :
الكاتب ذا يبالغ لعبارته لا تبالي//
و تشوف لك :
شخص فرحاااااان !!
تهمس من جد ذا!؟
كذا في شي يخليه بفرحته للكون مالي//
و تقابل انسان حزين!!
من كثر حزنه ودك تسأله :
يستاهل اللي مر بك كذا!؟
كأن ما مر بحياتك شي حالي//
و مرات في موقف:
لنفس الغرض!!
ذا يذمه ..
و ذاك يمدح و يوصله بالسماء عالي//
حتى البشر !!
فلان عند غيرك عادي..
و نفس الفلان عندك غير ..
ما تبيعه لو الثمن حيل غالي//
و انت انت يا نفس الانسان:
ايام تكون فيها عن كل شي سالي//
و ايام متكدر من الهموم منت خالي//
لا تستكثر فرح اي شخص و لا تستصغر حزنه..
يمكن الشي اللي فرحه ما يعني لك شي بمنظورك لكن عنده يسوى الدنيا..
و يمكن سبب حزنه ما يمثل لك شي ..
لكن عنده حياة و موت..
مخرج:)
يا تشارك: و للفرحه تزيد ..
و الا تواسي للحزن تطبيب//
ان ما كان بيدك شي به تفيد ..
الزم الصمت و خلك أديب //
شعور ذا الليله :….حنين و شوق..
كيف كذا !؟….….ما تفارق خيالي..
دونك!لو الشي حالي مر له اذوق..
انتِ : بالحب و العشق راس مالي ..
يا اجمل..و..اروع..و..ارق : مخلوق..
مكانك القلب ولا لغيرك به مجالي..