منتديات انفاس الحب - عرض مشاركة واحدة

آوسمتي · 24-11-2019

حب بلوى ولا في الحب ابد سلوى
الحــب حاجـــة تعنيــنــي واعنيهـا
لابد راعي الهوى يصبر على البلوى
عل وعسى الصبر في نفسه يقويهــا
مافيه نفسٍ تحصل كــل مـا تــهــوى
الحـظ والـوقـت والآيــام تـــقـصيهـا.
ان عاش من دون خله وش بقى يسوى
تضيق فـــي عينـــه الدنيا وما فيـهـا
لويشتكـي حالـته من يسمع الشكوى
لا صارت الروح ما فــيــها يــكـفـيـهـــا
ان قــال ابنسى ترى ما هقوتي يقـوى
ولــو هــو تناسـى ترى ماهو بناسيهـا
الحــب صفحــة حقـيقـيـه ولا تطوى
ذكـــرى وقلبه يحـن لها ومـــاضــيهـا
باقي سنينه يـقـضـيـها عـلـى الـرجوى
نفسه على الوصل واللقّيـــا يـمنيهــا
القلب ضامي عسى من شوفته يروى
يسقي عـروقه ونار الشوق يـطـفـيـها