المشاركة الأصلية كتبت بواسطة الشاااامخ

بقولكم سالفتن سريعه < سالفه و الا وجبه ذي
> كثر كتشب يا صديق قصدي اخلص علينا هات السالفه

المهم سلمكم الله..
في طريق الدوام سوبرماركت دايم و انا طالع امر اخذ لي منها اغراض ..
و ذيك اليوم صادقت رجال كبير بالسن جالس ع الدرج ..
و الجو كان شوي حار ..
جيت عنده قلت اخدمك بشي
مويه عصير و الا اي شي تطلبه ..
قال الله يجزاك خير انا صايم
و قام يدعي دعوات تشرح الخاطر
و رفض اني اقدم له اي شي ..
لكن انا كسبت اشياء واجد بدون تقديم اي شي ..

يعني موقف صنع لي يومي < قايل السالفه عشان اقول ذا الجمله :ff1 (171):

لا لا جد ..
لا تحقرون شي من عمل المعروف..
مهما كنت تشوفه بعينك بسيط..
ابتسامه .. جبر خاطر .. علبة مويه ..
اي عمل ..
حتى لو تنكد على احد و الا تخرب عليه المهم لا تجلس فاضي < وش فيني كأني تحمست زياده > امانه لا عاد تنصح :ff1 (1-5):

لا عاد حقيقه اي فرصه تجي تقدر تقدم فيها عمل خير لا تشاور نفسك و لا تحرمها الاجر و ما تدري يمكن تجيك دعوه وقت استجابه ..
و تفتح لك باب رزق و الا خير و الا توفيق و الا ترد عنك سوء