مرحبا كيفكم انفاسي الحلوين وكل عام وانتم بخير من ضمن تجهيزاتي لحلويات العيد امبارح عملت كعك الاعياد او السانتاروزا كثير زاكي وسهل ومابده عجقة وشغل كثير حبيت اشارك طريقتي معكم اذا حبيتو تجربو للعيد لسه معكم وقت وكالعادة الوصفة من مطبخي وحصرية لعيون الانفاس ويللا اتفضلوا معي ع المقادير والطريقة احتجت للعجينة كوب من السمنة و 3 كوب من الطحين بضيف عليهم ملعقة كبيرة حليب بودرة و ملعقة صغيرة محلب و نص ملعقة صغيرة بهارات كعك بعجنهم بخليط من نص كوب من الماء البارد جداً ونص كوب سكر بحركهم مع بعض وبعدين بضيفهم ع العجينة وبعجنهم كثير منيح وبتركها العجينة ترتاح نص ساعة بالثلاجة هلأ بجهز للتمر عندي عجوة جاهزة حطيت عليها المنكهات ملعقة كبيرة سمنة ملعقة كبيرة يانسون مطحون و ملعقة كبيرة بهار كعك ونص ملعقة صغيرة هيل مطحون و رشة صغيرة جوزة الطيب وملعقة صغيرة محلب وملعقتين كبار ماء زهر عجنتهم مع بعض وهيك صارت جاهزة للتشكيل هون كورت قطع العجين بالحجم اللي بدي اياه وكمان حبات العجوة حشيت حبات العجين بالتمر وعملتهم على شكل اساور طبعاً ممكن اشكلهم بالقالب ودهنت الوجه بصفار بيضة مع حليب وفانيليا دخلتهم ع فرن كثير حامي على درجة 200 مدة 10 دقائق وبعدين تحت الشواية لصار لونهم ذهبي لما بردوا خبيتهم بتبروير لوقت التقديم وصحتين وعافية وانتظروني بوصفات جديدة في امان الله :ff1 (213):

المصدر: منتديات انفاس الحب

---

;u; hghudh] lk l'fod Lpwvd l, hghu]h] or pwvd

المصدر: منتديات انفاس الحب

---

;u; hghudh] lk l'fod Lpwvd l, l'fod hghu]h] or pwvd

.