بعد الظهر تهاوشت مع اُختي
بسبب الزفت اللي م يتسمى
كان المفروض يجي اليوم يعطيني حسابي
واغلق موضوع العمل معه
الواحد محبط ومزاجه سيء و الآنسة
جاية عند راسي وبدأت تثرثر وتلوّم علي
ليش رفضت تتعامل معه وبعده م اعطاك حقك
تسكت شوي وتروح تطل من البلكونة وترجع لي
وتحكي نفس الشيء وتزيد في الكلام
لو بس تركتني انا كنت تفاهمت معه
بعدها تقعد تتمتم مثل المجنونة بينها وبين روحها
وترجع تحكي من الأوّل نفس الكلام
لين راسي بدأ يوجع منها
ومن صرخت صرخة وحدة
البنت جري ع غرفتها وقفلت الباب
وم طلعت الا بعد نص ساعة تقريبا (تستاهل ع طولة لسانها)
المهم
بعد المغرب جاء الرجل للبيت ومثل ما قال أمس
اعطاني حسابي والحمد لله
وجاب معه السراويل محتاجها ل بكرة بعد العصر
بس انا رفضت ورجعت له سلعته
اعتذرت وقلت له م أقدر شوف من جهة ثانية
الرجل خرج من البيت و شكله مخنوق لاني رفضت
المهم انا مسكت مالي
والحمد لله
,,
احمد