مرحبا انفاسي كيفكم حبايبي انا حدا كثير بحب الكيكات وكل كيكة بعملها رح احاول اجيبلكم وصفتها هون اليوم رح افرجيكم كيكة الماربل او الكيكة الرخامية على طريقتي وطبعآ الكيكة من مطبخي وحصرية لعيونكم وكالعادة بحكيلكم المقادير و الطريقة مع بعض يللا اتفضلوا معي لخليط الكيك بحتاج 4 بيضات بحرارة المطبخ بخلطهم مع ملعقتين كبار من الفانيليا وملعقة صغيرة من الخل و ملعقة كبيرة برش ليمون وبنخفقهم لحتى يصير لون البيض ع بياض بنزل عليهم كوب ونص سكر وكوب زيت وبخلطهم كثير منيح بعدين بضيف كوب حليب سائل ونص كوب لبن زبادي واخر اشي بنزل الطحين احتجت كوبين ونص من الطحين نخلتهم مع 3 ملاعق صغيرة بيكنج باودر ورشة ملح هون اخذت ربع الخليط وضفت عليه ملعقتين كبيرة كاكاو وملعقة صغيرة نسكافيه بصينية مدهونة ومرشوشة بطحين صبيت نص الخليط الابيض وبعدين صبيت نص خليط الكاكاو وكررت العملية لخلصت الكمية خربطت الخليطين مع بعض بالسكين وهيك الكيكة صارت جاهزة لدخول الفرن الحامي على درجة 180 ولمدة ساعة الا ربع وهيك شكل الكيكة بعد ماطلعت من الفرن بتركها تبرد و بقطعها وبقدمها وهلأ صار احلى وقت وقت الاكل وصحتين وهنا جربوها ومتاكدة رح تعجبكم كثير انتظروني بوصفات جديدة في امان الله

المصدر: منتديات انفاس الحب

---

;d;m hglhvfg lk l'fod Lpwvd l, or pwvd

المصدر: منتديات انفاس الحب

---

;d;m hglhvfg lk l'fod Lpwvd l, l'fod hglhvfg or pwvd

.