منتديات انفاس الحب - عرض مشاركة واحدة

آوسمتي · 01-04-2020

يا بنت يالي طرفش الفاتن محيق
لا تمحقي قلوبنا ونظراتش رماح
ضيق القلوب الي مابعدها اليوم ضيق
يذبحك زين وبعدها قفى وراح
حتى لبيتك ماتدل وين الطريق
لا ليلتك ليله ولا صبحك صباح
خلي العلاقة بيننا حبله وثيق
في الفرح وف الحزن وف المزاح
وقهويني من اسلوبش الغض الرقيق
يا عسى فدوتش ترفات الملاح
واشعليني شوق وشبيني حريق
ومن ضلوعي الحطب حطي لواح
واستلهميني حلم ما منها تفيق
وان صحيتيني بلا هم وجراح
القلب منش صار غيرش ما يطيق
والعقل مني طار فوق بلا جناح
شاعرك يوصل مواصيل الشهيق
لا غاب زولك عنه بالضيقات طاح
وشاعرك يشوف كل شي به يليق
ان شاف نجمك ف سما الحلوين لاح
وشاعرك يختار بهاليوم الطريق
ويخبرك فالليل واما فالصباح !!