مساءوو حبايبي كيفكم اليوم حابة اشارك معكم وصفتي للمنسف التقليدي الاردني بكل تفاصيله رح اعمله بالجميد و بدون ما اخلطه باللبن العادي وطبعاً موضوعي من مطبخي و حصري لعيونكم انفاسي ويللا اتفضلوا معي افرجيكم منسفنا بالبداية بدي اجهز الجميد محتاجة حبة جميد طبعاً هالحبة رح تعملي كمية اللبن اللي انا محتاجيتها الحبة بتكفي لكمية كيلو لكيلو ونص من اللحم . هلأ بكسر الجميد وبحط عليه مي مغلية مقدار لترين وبتركه اقل اشي ساعة هون عندي لحمة خروف حجم القطع وسط بس اذا كان عزومة لازم يكونوا القطع كبيرة الاضافات اللي رح اضيفها عليها ورق غار وبصلة و هيل مطحون او حب وملعقتين سمنة بلدية فقط .. لاتحطوا ثومة ولا قرفة ولا اي نوع بهارات بتخرب طعم المنسف. بحركهم مع بعض اشوي ليتغير لون اللحمة طبعاً مارح اسلق اللحمة لانها الوصفة الاصلية مابتنسلق اللحمة انا بسلقها بحالة يجيني ضيوف فجأة وبدي اعمل منسف سريع بستعين بطنجرة الضغط وبمشي الحال هلأ بطحن الجميد مع المي ع خلاط الكوكتيل وبضيفه ع اللحمة و بزيد عليه كمان لترين مي مغلية وبضل احرك بلبن الجميد ليغلي وضروري التحريك عشان مايفرط اللبن بحطله بهارات المنسف اللي هي هيل مطحون و كركم و النفل (الحندقوق) اللي بميز طعم منسفنا الاردني وبتركه يغلي لتنطبخ اللحمة منيح وتستوي ع الاخر وبزبط الملح وبكون جاهز الرز سهل جداً بحتاج رز مصري مغسول ومنقوع او اي نوع رز قصير الحبة الرز البسمتي مو زاكي مع المنسف يعني ممنوع هههههه وسمنة كمية منيحة لكل كوب رز بدي ملعقة كبيرة مفللة سمنة ومي وملح ورشة صغيرة كركم بحمس الرز مع السمنة منيح وبعدين بغمره بالمي المغلية وبزبط الملح وبتركه بالبداية ع نار عالية وبعدين بهدي عليه ليستوي. الفريكة تقريباً نفس طبخ الرز مابدها شطارة . هيك منسفنا جاهز نسكبه بالبداية بنحط بالسدر او الصينية احنا منحكي سدر بنحط خبز الشراك او خبز الصاج وبنشربه بلبن المنسف بعدين بنحط الرز وفوقه الفريكة بنصفي شراب المنسف وبنرتب اللحمة ع السدر وبنزينه باللوز المقلي بس مافي بقدونس مابزبط وهيك منسفنا الاردني التقليدي بالتفصيل ويارب يعجبكم وصحتين وهنا .. انتظروني بوصفات جديدة في امان الله :91:

المصدر: منتديات انفاس الحب

---

hglkst hghv]kd hgjrgd]d Lpwvd>> hglkwt or pwvd

المصدر: منتديات انفاس الحب

---

hglkst hghv]kd hgjrgd]d Lpwvd>> hglkwt hghv]kd hgjrgd]d

.