المشاركة الأصلية كتبت بواسطة nader

شي حصل قبل 4 او 5 سنوات لايصدقه عقل
اشهد لله يوم لاظل الا ظله ان هذا الشي حصل
وقد لايصدقه العقل

مر على هذا الحب عشرات السنين
وكلا راح في سبيله وتزوج وخلف
وكلا عاش في مدينه بعيد عن الاخر
وبعد سنين عدنا الى الديره كلا في قريه
وقد نسينا بعض


طلب مني جاري قبل 4 او 5 سنوات
اني اروح اجيب زوجته وبناته
لانهم في القرية الفلانيه قريبه من قريتنا
كان يسولفون عند ناس اعرفهم
ذهبت ودقيت الباب وقلت يالا اطلعو
ورجعت جلست في السيارة حقي
وفجئة خرجت طفله عمرها يمكن سنتين
وقفت عند البوابه وتناظر للسيارة
جلست اناظرها وشعرت بحزن وخفقان في قلبي
لااعرف سبب له غريب امر هذه الطفله
احس وكانها جزء من روحي
اول ماجت المرئة وبناتها
قلت قبل لاتخرجو جائت طفله بيضاء وصغيره
بنت من هذه الطفلة
قالت المرئة الله الله لو تدري بنت من ماتصدق
هذه بنت فلانه الي طيرت عقلك زمان امها جوة
تسولف معانا جائت زيارة لعمها
حاولت ابتسم ولكن انهمر الدمع من عيوني
وكان بصرخ براسي لولا العيب
من الفتيات الي راكبين معي
وغطيت الشماغ على وجهي واسرعت بسيارتي
ورجعت البيت وفي قلبي حزن عميق
ايش الي ذكرني بها بعد هذه السنين
قفلت غرفتي على نفسي حتى لايشوفوني بناتي
وبكيت بحرقه ولا اعرف سبب
لاحساسي بهذه الطفله
والبكاء والحزن الي اصابني
حتى اليوم