مرحبااا :ff1 (2-5): كيفكم حبايبي انفاسي اليوم طبخت مخشيي وحكيت لازم اشاركها مع حبايبي الانفاس طبعآ المخشي من الطبخات النمبر ون عند عيلتي ومابستغنى عنها بالعزومات اذا كنت عاملة تشكيلة اكلات المهم المخشي اليوم من مطبخي وحصري لعيونكم الطبخة صح خطواتها كثيرة بس سهلة و بالنهاية بتوكل اشي زاكي بتوكل طبخة محرزة :-ff1 (8): زي دايمآ رح احكيلكم المقادير والطريقة مع بعض يللا :ff1 (171): اول اشي بنجهز للحشوة للحشوة بدنا كمية من اللوز بنقليهم حتى يصير لونهم اشقر بنرفعهم من الزيت بنفس زيت اللوز بدنا نقلي اللحمة بالاول بدنا بصلة مفرومة كثير ناعم بنقليها اشوي لحتى تذبل وبعدين بنضيف عليها اللحمة بنحرك اللحمة لحتى يتغير لونها بنحطلها ملح و فلفل اسود و بهار مشكل لما تستوي اللحمة بنخلطها مع اللوز و بنتركها لتبرد هلا بنجهز الكوسا طبعآ حبات الكوسا ضروري تكون صغيرة بس مش عارفة ليش طالعة دبدوبة بالصورة هههههههه المهم بنحفرها و بننقعها بمي وملح و بنصفيها من المي مشان الحشي هلأ الحشي بنحشي بنحشي لأخر اشي بالكوسا وبنضغط لجوا كل ماحشينا يعني تكون مليانة حشوة هيك بعد الحشي بنقليها بزيت كثير بس مابدنا توخذ لون قوي يعني اشوي تشقر وخلص بعد القلي ع طول على السلق عشان كل الزيت اللي بالكوسا يروح طبعآ المي تاعت السلق بنحطلها توابل مرق الدجاج واذا مو متوفرة مكعبين ماجي بنتركها تنسلق لمدة 20 دقيقة طبآ لاتكبوا المي لأنه رح نرجع نستخدمها بالوقت اللي بنسلق فيه الكوسا بنجهز اللبن بنحتاج لكل كيلو كوسا كيلو لبن و ملعقة صغيرة من النشا بنخلط اللبن والنشا مع بعض ع البارد بعدين بنرفعهم على النار وبنستمر بتحريك اللبن لحتى يغلي لما يغلي بنزل حبات الكوسا حبة حبة و بنزبط الملح و بنحط رشة صغيرة كركم مشان لون اللبن يصير احلى وبنزيد ع اللبن تقريبآ كاسة من المي تاعت سلق الكوسا بنخليهم لمدة نص ساعة يطبخوا مع بعض واخر اشي تقلية الثومة ورشة نعنع ناشف وهيك صار المخشي تاعنا جاهز للتقديم بنقدمه مع الرز بالشعيرية و بنزينه باللوز و رشة كزبرة خضرا وياويلي ع الطعم والريحة :-ff1 (4): وياريتكم عندي وتاكلوا منه يارب تكون عجبتكم و تجربوها وتدعولي حبايبي وانتظروني بطبخات جديدة وحصرية لعيونكم في امان الله ملاحظة : لرابع مرة احمل الصور ويارب يطلعوووو

المصدر: منتديات انفاس الحب

---

hgload lk l'fod L pwvd Z l, hglpad dEv] or

المصدر: منتديات انفاس الحب

---

hgload lk l'fod L pwvd Z l, l'fod hglpad dEv] or

.