مرحبا حبايبي كيفكم ال انفاس الحلوين :ff1 (195): اليوم جبتلكم وصفة زاكية و خفيفة :ff1 (35)::ff1 (35): و بتزبط مع هالجو اللي كثيرر شووب الوصفة طبعآ حصرية لعيونكم:ff1 (171): و اللي هي اجنحة البافلو رح احكي المقادير و الطريقة مع بعض اول اشي انا هون عندي تقريبآ كيلو اجنحة طازجة نظيفة و مغسولة كثير منيح بالملح و الليمون و الخل و المي و بنقطع كل جناح من النص و بنتخلص من طرف الجناح مابدنا اياه هلأ بدنا ننقع الاجنحة بخلطة النقع اللي هي ملح -فلفل اسود -بابريكا -زنجبيل بودرة - ثوم بودرة -ملعقة صغيرة خل - ملعقتين كبار عصير ليمون - بهارات دجاج - خلطتهم كثير منيح بالخلطة و بحطهم بالثلاجة ع الاقل 3 ساعات و الافضل انقعوهم قبل بيوم زي ماعملت انا هلأ بدنا نعمل خلطة التغطية مشان القلي بنحتاج كاستين طحين -ملح -فلفل اسود-بابريكا - بهارات دجاج - ملعقتين كبار نشا - زنجبيل بودرة -ثوم بودرة بننخلهم كلهم مع بعض و بنبلش نغطي قطع الاجنحة بخلطة الطحين تغطية خفيفة و اهم اشي نحاول نتخلص من الطحين الزيادة ع الاجنحة مشان مايغلبنا بالقلي بالنسبة للقلي بدنا زيت كثير و حرارة عالية ولما يوصل الزيت للسخونة اللي بدنا اياها بنزل قطع الاجنحة مابنحط اكثر من 10 قطع اول مجموعة بتكون ع حرارة عالية لما يستوا منيح بنوطي النار و بنكمل قلي ع نار متوسطة لحتى تخلص الكمية هيك خلصت قلي كل القطع اللي عندي هلأ بدي اعمل صلصة البافلو بنحتاج 50 غم زبدة -نص كوب كاتشب- ملعقة كبيرة صويا صوص - ربع كوب صلصة حارة- ملعقة صغيرة صلصة باربكيو المدخنة - ملعقة كبيرة عسل بنحطهم ع النار و بنحركهم لحتى تذوب الزبدة و يتسبكو منيح مع بعض بنضيفلهم البصل الاخضر و بنرفعهم عن النار هلا هيك البافلو جاهزة بنحط البافلو ع الاجنحة وبنخلطهم منيح مع بعض بنرتبهم بصحن التقديم و بنزينهم بالسمسم الابيض و البصل الاخضر و طريقة التقديم ذوق شخصي انا هون عملت رز مدخن لأنهم اولادي مابقتنعوا بوجبة غدا مافيها رز ههههههه و صحتيين وهنااا ان شالله تعجبكم الوصفة جربوها رح تحبوها كثير :ff1 (35)::ff1 (35): وانتظروني بوصفة جديدة في امان الله

المصدر: منتديات انفاس الحب

---

h[kpm hgfhtg,Lpwvd hgfhtg, or pwvd

المصدر: منتديات انفاس الحب

---

h[kpm hgfhtg,Lpwvd hgfhtg, or pwvd hgfhtg,Lpwvd h[kpm

.