منتديات انفاس الحب - عرض مشاركة واحدة - ماني بغامض بس ما احب الوضوح في ذا الزمن كلن على همه سرى~

آوسمتي · 13-08-2020

من قصائده
:
:

كبرت .. وكل حلم فات ودعته
تكاسل خاطري .. لكن مازلت بخير
.
ياكم عقلي نهاني غير ماطعته
وياكم قلبي لعب بي والظنون تحير
.
الين اقديت في قلبي وجوعته
وصديته من الدنيا وعود غير
.
انا اكره كل طبع ما تصنعته
واقدس رايي الشخصي بلا تفسير
.
من الدنيا وهم قد تجرعته
وصلت المرحله اللي يصير يصير
.
عطيت بطيب .. واللي ماتوقعته!
كثير اللي جحد طيبي بلا تفسير
.
لو ان الوقت يرجع .. كان رجعته
عشان احب نفسي قبل احب الغير

اغلق جهازك وعش دنياك حر طليق
واستشعر اللحظة اللي تعيش بإصرارها
.
شف عاد حولك من أحبابك خوي وصديق
ولا تغير مع الايام ... مقدارها
.
احسب وش اللي جنيت من فرحه وضيق
وش فات روحك ولا كملت مشوارها ؟
.
في المجلس في الدوام في السفر في الطريق
الناس تجهل بعضها وتجهل أخبارها
.
ومن وجه اخر حسافه يالزمان العتيق
اول يوم انه الخلايق يوم تكتم اسرارها

.
سوالف بيوت خلق الله على كل ريق
اجل وش الفايده لو تبني اسوارها
.
صور جزء من حياتك .. صور اللي يليق
ولا تصور حياتك كلها ... دارها
.
الاجهزه في حياة الناس .. مفرق طريق
لوتنفع الناس .. مانسلم من اضرارها