أحبتي في الله
السلام عليكم ورحمة الله وبركاته
الله يسعد مساكم بالخير والستر والعافيه
الله يتقبل منا صيام هذا اليوم ويبلغنا مايليه
من ايام الشهر الكريم غير فاقدين ولا مفقودين
انه ولي ذلك والقادر عليه هي تهنئيه بالشهر
قبل الخوض في غيرها وما اكثر السوالف؟؟؟
أحبتي الكرام الشارد في سطور ويقصد منها السلام عليكم وادخالكم معي في برنامجي لهذا المساء تعلمون وربما لاتعلمون أن الشارد يبحث عن البيض والبصل والخس والجرجير وبعض الفواكه واحب البخاره المهم سألت عن البيض قالوا 20 ريال تبغا ولا غيرك يبغا طيب ابغا بصل قالوا لي الكيلو ب 20 ريال والكيس الصغير ب 12 ريال طيب اعطوني خس وجرجير قالوا كان غيرك اشطر طارت الطيور بارزاقها ليش تنام حتى تذهب الطيبات ياقحم بقعاء رجعت للبخاره وكان نفسي اكل حبه ولا حبتين مع الفطور قال لي ابو يمن الكيلو 22 ريال أصبحت مضاد حيوي الله لايبلانا يعني مافيه احد يحمينا ولا حولنا احد يرفع عنا هذا الغلاء الذي صاحب الوباء لم أرى من يقف في وجه هذه العماله التي ترتدي كمامات عن الوباء وتطرح علينا سياط الغلاء الذي قد يحرم الغالبيه مما يشتهي نسأل الله العافيه وعليه الشكوى والمستعان؟؟
خرجت قاصداً سيارتي واذا بالحبيب (الوافي) يتمرح قدامي وفي يده مقاضي كأنه توه استلم الراتب وناداني ياقحم انت ياقحم العفاريت انت يالشارد أصابك الصمم وماعاد تسمع انا ادور عليك ابغا اعزمك للفطور وحاسب حسابك انت وبناتك وحفيداتك وكل من تعز عليهم وحياكم الله انا مستعد وحاسب حسابكم وأن كان نفسك في بخاره ابشر موجوده وكم شارد عندنا طبعاً حسبته يمزح ولكن تأكدت انه صادق لأنه حلف علينا وانا ماصدقت اسمع كلمة حياكم الله ***
خرجت وناديت بعالي الصوت ياتاج النساء يالمهاجره ياغلا الشوق ياترانيم الشوق يارتيل ياصدى الشوق تعلن بسرعه عندي جوز كلام بالفعل جين الصبايا مسرعات يفكرن ان الشارد سيو زع تركته ويريد يعطيهن شي فقلت لهن ابشر ن بالفطور اللي ينسيكن تعب اليوم كله نحن معزومين عند الوافي اريد منكن كل واحده تجيب اللي يخف حمله ويغلا ويطيب شكله انتي يالمهاجره لا أوصيك في قربه سوبيا زبيب من عند الخضري وانتي ياترانيم جيبي حافظه مخاويض مع العسل وانتي ياغلا مانبي نتعبك جيبي حافظه مرقوق وانتي يارتيل جيبي منتو وفرموزه وتاج النساء شاطره في القهوه تجيب ترمسين والشارد يجيب عكازه ويرمي بشته ويتجهز لخطف البخاره من تلك السفره التي جاد بها مضيفنا والحقيقه رأيت شي لا يوصف حتى رأيت اطباق لم اعرفها ولكنني غصت في احشاءها حتى اتعرف عليها وللعلم صاحب الدعوة جهز لنا مكان في قمة الروعه وفصل بيننا وبين الصبايا ومثل ماتعرفون ممنوع الاختلاط شرعاً وعرفاً مدري وش اقول ل سنجد اليوم من يعزمنا ويقتدي بالواي ماضنيت مع اني رأيت وضاااح يكلم نفسه وربما يتشجع وعزمنا اضن كذا انتهى الشارد من سالفته ومن امر العزيمه وندعو للوافي على حسن الضيافه وقد كسب اجر إفطار صائم علمي وسلامتكم
وليدة اللحظه وحصريه
الجمعه 1/9/1441
hgahv] ,fkhji td qdhtm hg,htd hgwhvo hg,ht]
hgahv] ,fkhji td qdhtm hg,htd hgwhvo hg,ht] td ,fkhji qdhtm