سرور بعد محاولة الانقاذ اللي نجح فيها

صار مهتم بقراءة المواقع الاخبارية

وبيوم شاف موضوع عن موضوع انقاذ

رجال الاطفاء لقرد نشب بين سكتين حديديه

وقال الاوادم محد جاب خبرهم

أنا انقذت واحد بدولة ما عمره احد هوّن واحد عندهم عن الانتحار

ولا احد جاب طاري سرور ابد

بدأ يغني بنفسه ويدندن

انساني ما بنساك

<- ------ طرنق (صوت فكره)

الحين ليه ما اتجه للاعمال الانسانيه فيها اجر ومنها اشوف الدنيا

راح سرور وتطوع مع لجنة دولية للعمل التطوعي والاغاثي

راح لكل مكان بالعالم

راح لأماكن فيها زلازل ومخيمات لاجئين

سبحان الله حظه عجيب

يجي يزور لاجئين ويساعدهم ويعطيهم بيديه اكل

محد ياكله يرمونه بالارض

<- ---- شكل محد يبي ياكل من يدك يا سرور



تجي الكلاب الله يعزكم تاكل منه وتموت

مدري هو مغسل يديه ولا بيديه فيروسات

لا ما اعتقد بس يمكن صدفه



سافر سرور لفيتنام

وقال خلنا نشوف وضع أهلها هناك

الا ويشوف الدنيا مقلوبه

منظمة اطباء بلا حدود

ومنظمات اغاثيه كثير مشغولين

سرور: خير وش السالفه وش فيها هالبلد

رد عليها واحد من الي كانوا يركضون وهاربين

اشرد يا ولد فيتنام فيها كورونا

طلع الي يركض عربي

سرور: عجيب طلعت من الديره يا ولد

شكلي لو اشيل حجرة ولا صخرة القاكم تحتها

وش ذا الانتشار العجيب يا ابناء وطني



رد عليه الشخص الي يركض

اذكر الله يا شيخ

سرور : ما شاء الله عليكم الله لا يضركم

وقف سرور ونسى نفسه لحظات

وجاء جنب الرجل وبدو يغنون انتي ما مثلك بها الدنيا بلد والله ما مثلك بها الدنيا بلد

ويسمعون من بعيد اصوات تركض وهم يغنون

فوق هام السحب

فوق هام السحب

دمعت عيون سرور

يا حبني لكم يا عيال الديرة

شوي الا واحد يتلّه ( يسحبه) مع يده

خيي تعى هون عنا مرضى كتير وبدنا تساعدنا بهيدا المخيم

سرور: ما شاء الله الاخ لبناني

ايه انا من لبنان وفيه هوني عرب كتر خير الله تعى شوف كلياتنا متطوعين متلك



سرور : وانا وش جابني الا العمل الانساني جيتكم يلا مشينا

ويوصل سرور للمخيم يلقاه مليان مصابين بالفيروس كورونا الله يكفينا شره

خاف الرجل على نفسه وكان بيهرب لكن يسمع اغنية انساني ما بنساك تتردد بداخل راسه

وتحرك فيه العرق الانساني

دخل سرور معهم وبدأ يساعد ويعاون

كل يوم يموت واحد ولا احد تشافى

حتى اخوياه المتطوعين والي من باقي المنظمات الصحيه

كلهم ماتوا



سرور بقى لحاله

وش ذا كلهم ماتوا وانا بقيت هنا وش اسوي

خلنا نروح لغير هالمكان نساعدهم عسى ربي يكتب لنا الاجر

هالمكان ما عاد فيه احد محتاج مساعده

كلهم دفناهم وصلينا على المسلم فيهم

<- ---- ولا فكر بنفسه كيف بقى هو الوحيد حي

مناعه قويه فتك بالفيروس



سافر سرور لمصدر كورونا الصين

قال خلني اقعد بمعقل الفيروس عسى الله يعيني

جاء سرور ودخل المستشفى الصينيه

وما لقى ولا واحد يتكلم عربي



بس سرور ذهين (ذكي) حافظ كم كلمة صيني

نياهو نياهو

وبدوا الصينين يردون عليه

كان بالمستشفى 60 ألف مريض بالفيروس

طلع سرور من المستشفى بعد اسبوع

والمستشفى فاضيه محد فيها كلهم ماتوا

بدت وسائل الاعلام تسلط الضوء على الشخص الي خرج من المستشفى حي

وش ذا الانسان ومن وين جاء

كشفوا عليه يمكن فيه اعراض فيه شي

ولا اثر فيه المرض



ما شاء الله عليك يا سرور

وش آكل انت

بدو يفكرون ويتسائلون وش طبيعة اكل هذا الانسان

سوو معه لقاء تلفزيوني

المذيعة : ممكن نعرف كيف استطعت ان تبقى على قيد الحياه

في فيتنام وفي الصين

سرور : هاه مدري يمكن اجلي ما جاء ولا جات منيتي

المذيعة : لا تتهرب من الاجابه هل عندك لقاح اكتشفته او علاج للمرض

سرور : لا علاج ولا شي بس يمكن لاني ما اكل اكلكم الي ما منه فايده

المذيعه : وش تأكل طيب

سرور : اقوم الصبح بدري اعجن العجينه واولع الجمر واخبز القرص واحطه فيها

واذا استوى حطيت عليه السمن والعسل

المذيعه : بس هذا الاكل يسبب مشاكل بالكوليسترول

سرور : وش الكوليسترول الي تقولينه عنه انا احرق السعرات الحراريه

ولا ياثر فيني مع الحركه

المذيعه : بس كذا

سرور : لا واشرب حليب

المذيعه : وتفرش اسنانك كمان

سرور : هههه لا ظريفه

المذيعه : انت شكلك تستهبل علينا

سرور : بكيفك صدقتي او ما صدقتي

انا بطلع اشوف لي مكان ثاني اساعد اهله فيه

المذيعه : يعني بتسوي لهم العجينه والسمن والعسل

سرور : لا والله طباخ لهم انا بروح اعالج واساعد بس

المذيعه : اشكرك على صراحتك عندك شي قبل ما نختم حاب تضيفه

سرور : ايه نعم

ويحط يده بجيبه ويطلع لها مضير(الاقط) وياكل شوي منه ويعطيها الباقي

المذيعه : وش هذا

سرور : هذا حليب البدو المجفف جربيه ممتاز

المذيعه : اكلته وقلبت عليها بطنها وش هالحموضه

سرور : هذا يفيد الانسان واذا تبين ابشري بس هاتي عنوانك

يجيك توصيل من الديره لعندك

المذيعه : لا شكراً خلاص الله معك



طلع سرور من الصين وطلع الطياره

محد معه هالمره كل اخوياه المتطوعين ماتوا وين يروح

صاب الطياره عطل

وبدأ الطيار يقول صاروخ صاروخ

اخفضوا رؤوسكم

الناس في خوف وسرور كان نايم ما يدري عن شي



وش صار على الطياره

وش صار على سرور

هذا الي راح نعرفه ان شاء الله

بالقصه القادمه

المصدر: منتديات انفاس الحب

المصدر: منتديات انفاس الحب