السلام عليكم ورحمة الله وبركاته
اللهم صل على محمد وعلى آله وصحبه أجمعين


اليوم القصه مختلفه في تفاصيلها
تخصني انا بالتحديد
تتذكرون البنايه اللي ماتت فيها البنت فحادث السياره تقريباً القصه الرابعه لي
المهم قبل القصه بقولكم شي عني
عندي ضعف فعضلة القلب تقريباً اكتشفوه فالمرحله الاولى من الابتدائي كنت اتعب فحصة الرياضه
مع اني احب اللعب ولكن ارسلوني للمستشفى وبعد الفحوصات تبين عندي هذا الضعف واعطوهم تقرير يوضع في ملفي المدرسي بمنع مشاركتي في اوقات الرياضه .. وانا بخير لا تحاتون بس لازم ما اتعرض لمواقف فيها تنفس عالي مثل الصعود للجبل وهذا تغلبت عليه فالسفر بإستخدام العصي نفس المتزلجين .. وقدرت ارقى اماكن محدوده مثلاً شلال او هضبه خضراء
ومع هذا لو أمر من جنب مدخن يتعب نفسي واصير اتنفس من الفم
وبصعوبه ... المهم
القصه
كانت شقتنا فاااخر طابق تقريباً 22 او 24 مش متذكره وكان كل مره انذار الحريق يرن فوقت متأخر شوي ويوقف لدرجة اننا صرنا نستهزء فيه ونضحك لما يرن ... وفيوم كانت الساعه تقريباً 2 بالليل ونايمين
الا يرن ويرن ويرن بدون توقف واخر شي مكبرات الصوت انزلوا بسرعه من درج البنايه ممنوع استخدام الاصنصير ....
انتظرنا يوقف صوت الانذار او صوت اللي يتكلم ما وقف ،، فتحنا الباب ان الدور يتسرب فيه الدخان طالعنا بعض واختي شالت قطوها فحضنها وقالت ما انزل بدونه واخوي يشوفني ويفكر الف فكره فالثانيه ،، كييف وانتي ما تقدرين تنزلين 22طابق!!!!
وشوي ونسمع صوت المطافي والشرطه ومكبرات الصوت ،، قلت لهم بنزل معاكم عادي .. نزلنا طابق والناس على السلم شوي وبترميك تحت واللي شايله شنطتها .. طيب نجي نفسك اول شو فايدة الشنطه وبعدين بتعذبين فيها الاوادم على السلم
... المهم وصلنا للطابق 19 وخلاص قفل النفس عندي
ووقفت مكاني ماسكه ضلوعي بيدي
صرت اشر لهم بيدي روحوا انتوا انا خلاص ما عاد فيني حيل ولا نفس وجسمي كله يرتعش ... واعرق وريحة الاوادم ما اتحملها .. قالوا ما نروح بدونك وصرنا واقفين والناس تنزل وتصدمنا بأغراضهم ووقفنا على طرف النزول والصعود ومسكت السلم قلت لهم صبروا شوي يمكن اقدر اخذ نفس
وطالت المده وخفت الناس اللي تنزل من فوق وقدرت اتنفس بس الدخان بدا ينزل فالسلالم لان الناس تفتح وتغلق الباب ... هنا قلت لهم سمعوني زين روحوا وانا بكون بخير
صدقوني افضل ما نموت كلنا وحوا قبل زحمة السلالم .. رفضوا يسمعون كلامي
وقفنا مع بعض ساكتين وانا احاول اكتم الالم ...
وقدرة رب العالمين فوق كل شي سبحان الله ...
وما زال فالعمر بقيه
اشوف الامن حق البنايه يصعدون فوق مو تحت قلنا شو صار قالوا سيطرنا على الحريق برا من الشارع رجال المطافي تصرفوا
لكن دقايق بنشغل لكم الاصنصير خليكم مكانكم لا تتحركون ... واحد بقى معانا .. ويمكن ربع ساعه وقال تعالوا بنوديكم فوق .. والممر كله دخان .. دخلنا الشقه وقفلنا الباب
وفتحنا الشبابيك اللي كان بعضها مفتوح من اول ... شربت ماي وصرت احسن ...
ورحت نمت ففراشي بس ما نمت كنت صاحيه عيوني تبكي وانا هاديه بدون صوت
ويومها فكرنا بتغيير المكان وقلنا لازم ندور مكان يكون فيه اصنصير خاص بالطواريء
ولكن بعد حادثة البنت غيرنا الى نظام فلل كان جميل جداً ومريح ...

والحمد لله على كل حال

هذي قصتي لكم

اتمنى تحبونها


والى اللقاء فقصه جديده

ظبيه

المصدر: منتديات انفاس الحب

---

fr,g;l rwi 5

المصدر: منتديات انفاس الحب

---

fr,g;l rwi 5 fr,g;l

• ‏أحب أكون المنفرد بالوقت الأول والأخير
• رواية تسوين روحي