منتديات انفاس الحب - قصه تتجلى فيها حكمة الله ...

قصه تتجلى فيها حكمة الله ...

شاب تزوج من بنت وجلس معاها سبع شهور وحصل عليه حادث و نقلوه للمستشفى وجلس في غيبوبة لمدة ثلاث سنوات يوم تأخر شفاء الشاب
قرر ابوه يطلق البنت علشان تعيش حياتها لأنه يأس من شفاء ولده
المهم راح المحكمة مع البنت و أبوها وطلقوها وكل أحد راح في حال سبيله
والولد زاد على الثلاث سنتين في غيبوبة صار خمس سنين
وسبحان من يحي العظام وهي رميم
بعد الخمس السنين فاق وتعافى ورجع عمله وعلموه بزوجته قرر أهله يزوجونه بوحدة ثانية استشاروه قال أبغى أرجع لزوحتي و أصر عليها
المهم راح مع أبوه وأخوانه لمدينة البنت ورحب أبوها وفرح وضيفهم وتحمد بسلامة الولد
وبعدها طلبوا البنت
قال أبوها ماعادها على خبركم
لانهم انقطعت أخبار العائلتين من فترة الطلاق
المهم علمهم إنه البنت تزوجت،
الولد قاطع على طول من الصدمه وقال : الله يسعدها يلا مشينا
قال أبوها لحظة أكمل سالفتها
تزوجت من سنة وحملت وجابت توأم ولد وبنت وتوفى زوجها ألحين عمر عيالها ثلاث شهور
الولد فرح وقال أنا قابل بها هي وعيالها
ورجع تزوجها من جديد
بعد سنة من الزواج يبي عيال من صلبه يفرح فيهم راجع المستشفى وسوى كل التحاليل والفحوصات قال له الدكتور : انت عقيم و ما يجيك عيال
حمد الله إنه رد له زوجته اللي يحبها
ورزقه بعيال يربيهم مثل عياله ويلقى أجر كفالة يتيم منهم
العبرة .......
الله قدر الحادث والغيبوبة والطلاق
لحكمة هي إنه تتزوج زوجته وتنجب وترجع له وهي تحمل معها هدايا الله له بما حرم منه وهم الأطفال ويعوض خير في الدنيا بفرحته بزوجته وخير الآخرة بكفالة أيتام
كل ما حدث خيرة من الله سبحانه جل في علاه يعلم مالا نعلم وهو العليم الخبير الحكيم الرحيم
سبحانه الخيره فيما اختاره الله