كيف كانو البنات يقضون حاجتهم في القرى وماكان فيه حمامات +18
 

ايش الي ذكرني بهذه القصه
الوالده الله يحفظها كل شوي
اروح عندها لانها ساكنه جنب
بيتي ولازم تحكي لي قصص
من زمانها والبارح حكت لي
قصه مضحكه راح احكيها
لكم في الحلقه القادمه
وذكرتني بهذه القصه


القـصــة:
ماكان فيه حمامات اكرمك الله
في كل القرى الي عرفتها
في حياتي انما كل بيت يبني
جنبه خشب يكون سقفه مفتوح
ويحفرون حفره صغيره طولي
فقط للبول
وتسمى ( المبول )هههه
الاسم يضحك
اما قضاء الحاجه لابد البنت
تذهب بعيدا للخلاء او اي مكان
مستور وتقضي حاجتها هناك

واول حمام بنيته في بيتنا
بعد ماتوضفت في مكه لاني
روحت بخالتي وبناتها وهم
من مواليد جده مستحيل
يروحون يبولون في الخلاء مثلنا
واتصلت بالمقاول وانا في الطريق
والله ماوصلنا الديره الا الحمام
مبني جاهز هوى وبيارته
اكرمكم الله
خلصه في يوم واحد

ترو هذا الكلام مش
من العصر الطباشيري
هذا قريب جدا بعضكم
في المدارس في عهد
الملك فهد الله يرحمه

كان بيتنا من اكبر البيوت
الي فيه بنات خواتي 6 بنات
وعندي 3 اخوان اطفال
انا اكبرهم ابوي وامي شديدين
علينا على شان كذا يجتمعو
بنات الجيران وبعض بنات القريه
عندنا لانه بيت مافيه شباب مافيه
الا انا وانا يومها صغير
تقريبا دون سن الثامنه

على شان كذا طلعت مدلل من البنات
وبرضه كنت حلو يوم انا صغير
ومااتذكر عاكست واحده ابدا
انما البنات هم من يعاكسوني
احم احم ههههه
المهم نعود للقصه

كانو يسمرون عندنا ويلعبو
ويحكون قصص تقريبا معظم
الليالي المقمرة حتى منتصف الليل
بعدها يقولون يالا يابنات نروح
نبول كل واحده تعبي لها طاسه ماء
اكيد تعرفون الطاسه ويقولو يالا
يامحمد (ناوسنا) اي رافقنا
احنا خايفين وانت الرجال
امشي قدامنا

وياكرهي لما يقولون يالا نبغى
نروح نبول لاني اتعب وانا جالس
منتظر نمشي حتى مسافه في الخلاء
وانا اجلس في النص والبنات يتفرقون
كل واحده على مسافه والي تخلص
بولها تجي تجلس عندي
حتى يكتمل العدد
ههههههههههه
وكان النامس يقرص فيني
وانا جالس انتظر
وخايف من العقارب والثعابين
لان بعض البنات
تطول شكلها عندها امساك
وانا كل شوي اصيح بصوتي
واقول خلااااص
الله ياخذكم تعبت يقولو
باقي شوي
طبعا اشوفهم من بعيد
على ضوء القمر وهم جالسين
اشكالهم تضحك هههه

وبعدها نروح البيت احيانا
يواصلون السمره
انام بينهم
راسي على فخوذ واحده
ورجولي على الثانيه
وهم مواصلين واحيانا
يروحون على طول
وكان كل ماشفتهم مجتمعين
عندنا اقول لهم لاتقولو الليلة
فيه بول والله مااروح معاكم
ولكن وقت البول يحتالو عليه
يبوسوني ويترجوني
وانجبر ارضخ لطلبهم
وعلى هذا الحال
حتى كبرت وانا كل ليله
احلف اني مااروح معاهم
ولكنهم يجبروني اروح
تحياتي للجميع

هههههههههههههههه
يانادر اول ماشفت
العنوان ضحكت
ربي يسعدك
صعبه حياة القرويين
والناس ع نياتهم
ربي يسعدك
وبنتظار القصه
اللي حكتها لك
ماما ربي يطول بعمرها

ههههههههه هههههههههه
مت مت ضحك
الله يخسسس عدوك يانادر
حرام عليك
وش ذي الفضايح هههههههههه
هههههههه وربي مت ضحك
انت الحارس الشخصي حقهم ههههه
البودي قارد يحتمون فيك
نادر وش ذي القريه اللي لين قريب
ومافيها حمامات الله يكرم السامعين
عهد الملك فهد ماهو بعييد ههههههه
وانتم في العصر الحجري عادكم
وربي شي يفشل ويضحك هههههههه
الله يستر عليهم ويحفظهم
ويعطيك العافيه على كل شي تقدمه لنا في انفاس
وبانتظار القصه الثانيه
اعجابي والختم و 500 مشاركة وتقيم

ياهلا وغلا بالغالي قلبي وطنها
نورت ياقمر موضوعي بطلتك الجميله
والي انتظرها دائما


ضحكه دائمه يارب
اكيد كنت مستغرب من العنوان لانه
شي خارج الحسبان
ههههههههههه
ولكنه واقع عندنا
وربي يطول لك في عمر والدتك
ارق التحايا القلبيه
لك ياجميل

يامرحبا مليون بالغاليه على قلبي
غلا الشوق
نورتي ياقمر مثل عادتك على مواضيعي
ردودك هي مزينه ومكمله لاي موضوع اطرحه

هههههههههههه
وربي انا ميت ضحك الان وانا ارد
على ردك واستغرابك
وكانك تقولي وين ذولا عايشين
في غابات الامزون ولا ادغال افريقيا
ههههههههه
الله يسعدك يارب
ماكنا نهتم بالحمامات لعدة اسباب
اولا ماكان في القريه ولا احد عنده حمام
على شان الباقي يتشجعون
وثانيا ماراح نرتاح اننا نعملها في حمام جنب البيت
وثالثا لاننا قرية صغيره وتحيط بها الجبال والشعاب
واشجار كثيفه الواحده تاخذ راحتها
وهي جالسه والنسيم يهب عليها

تصدقي بالله سافرت ابها بعد نجاحي من الصف السادس
وجلست شهرين عند ناس والله ماقدرت اعملها في الحمام
ولا مره احس انها فضيحه اعملها
والناس جنبي سوالف
وكان في الليل اروح جبل قريب من البيت
هههههههههه
البدوي مايتغير طبعه حتى لو تحضر
بس اليوم كل شي تغير
واصبحت القريه مثل المدينه
فيها كل الخدمات

شكرا على هذا المرور الجميل
وشكر خاص على زيادة المشاركات
الله يسعدك ويحفظك

بالله يانادر كيف الوحده يجيها قلب تقعد
بين الجبال والاشجار مايطلع لها ثعبان
والا يقرصها عقرب
وين النسيم وقتها هههههههههه
الا بينخلع قلبها
وتطب ساكته وتموت هههههههه
ههههه الله لايعنينا يانادر
قاعد شهرين ولا تعلمت
وتروح الجبال هههههههه
الحمدلله انها فتره وعدت عليكم
وتطورتوا هههههههه
ويسعدك يانادر ياااااارب
ويحفظككك:ff1 (26)::ff1 (119):

هلا وغلا بعودتك
هههههههههه
تروح في النهار لوحدها
اصلا في النهار ولا واحده تخاف
يروحون الوادي يعلفون للابقار
ويرعون الاغنام ويجمعون الحطب
سار الوادي والجبل مثل حوش البيت عند الواحده
لكن في الليل الله لايوريك
يموتون خوف وتخاف الواحده ماتخرج من بيتها
على شان كذا يروحون في الليل مجموعه
وانا القائد حقهم
هههههههههه
والله ماودي وذيك الايام انتهت
رغم المعاناه بس فيه اشياء جميله
لايعرفها جيل اليوم فيه نفس في القلوب
وكنا نفرح بكل شي
ولو يزكم الواحد ولا يسخن
يطمئن عليه كل الجيران
اليوم امرض في غرفتي مااحد درى عني
تسملي ياقمر
على هذه الردود الي تسعدني كثير

هههههههه يقطع شرك
والله يا نادر بحب مواضيعك
ع قد ما انت عفوي وكلك بساطة
والله يعينهم بناتكم ع هيك رعب
كانوا عايشينو
كل تفاصيل المشوار فيلم رعب
والحمدلله اني ما عشت هيك مغامرة
من انولدت وعنا حمامات جوا البيت هههههههه

نادر
الله يسعدك ع قد مابتسعدنا بمواضيعك
بانتظار قصة الوالدة بشوق
يستحق الاعجاب و التقييم و :ff1 (209):

.. :85:


والله ايام زمان ماتتعوض
ايام جميله بناسها واهلها وبسطاتها
وذكرياتها الجميله
يعطيك العآفية اخي نادر على القصه المميزه
الله يسعدك ويحفظك