قصص مضحكة عن بعض مدمنين المخدرات لم تسمعو بها من قبل
اهلا وسهلا بكم نعم هذه القصص لم تسمعو بها من قبل لانها مريت علي فقط قلت اسليكم شوي يمكن تضحككم في هذا الوقت الي اصبحت الضحكه فيه صعبه القصة الاولى: حصل قبل عدة سنوات اثنين من سكان القرية مدمنين حبوب الكبتاجون وللاسف الكثير من الشباب مبتلين بادمان هذه الحبوب ودائما تمسك هذه الحبوب على الهندسه يشعر الواحد انه يستطيع يصلح اي جهاز وهوى اخرطي كانو يتعاطون الحبوب ويصلحون سيارة معاهم كل ليله يصلحون فيها ومره بعد ماصلحوها طلعت السياره تمشي للوراء فقط وماتمشي لقدام وخذهم القرية مسخره هههههههههههه رجعو فككوها من جديد في حوش احدهم وفيه شيبه ثقيل دم يجي يسولف معاهم طفشو منه قامو حطو له حبه في كاس الشاي واعطوه شرب الشاي وبعد نص ساعه الله لايوريكم ههههههههههههه مسكت مع الشايب انه يسري الوادي يجمع حطب ويروح البيت يولع الميفا ويخبز ويكشن ادامات ويطبخ شاي ويصحي زوجاته الثنتين وعياله الساعه 5 الفجر ويقول لهم قومو الفطور اسغربو كلهم معقوله ابونا اصبح طيب وتغير المصيبه عيب عندنا الرجل يخبز في الميفا والغريب اكثر ان هذا الشايب من ابخل الناس يبخل بالريال على عياله بعد الفطور قال لاولاده وبناته صفو ورى بعض وقام يوزع عليهم من 50 ريال ذهبو للمدارس مو مصدقين اول مره كل واحد يمسك 50 ريال وبعد تحري من الاولاد عرفو ان فلان وفلان وضعو له حبه كبتاجون وشربوه جو عياله في الليل عند الشابين الي شرب ابوهم الحبه وباسو رؤس الشابيين وقالو دخيلكم شربو ابونا دائما حبوب قسم بالله ماقد اعطانا اكثر من ريالين للمدرسه الا اليوم اعطانا من 50 ريال ههههههههههههههه الشيبه الليله الثانيه حسن ان الشباب فعلوها فيه راح عندهم وقال ياشباب شكل شاهيكم من نوع ابو جبل لعب فيني لعب البارح وحرم باقي يجلس معاهم حتى اليوم القصه الثانيه : عندي زميل من اقرب الزملاء لي وهوى فكاهي ويجبرك على الضحك مهما تكون فيه من هم ادمن على هذه الحبوب ومسكت ليله معاه انه يدخل في النت قسم البالتوك البالتوك موقع قديم فيه غرف من دول العالم وفيه قسم الحب غرف فيها بنات من امريكا ودول الغرب تختار الشابه وتطلبها تدخل معك غرفه خاصه نسولفو صوت وصوره بشرط تجيد الانجليزية واذا تعمقو واعجبو في بعض يفسخو ملابسهم والعياذ بالله ههههههه المهم زميلي يحاول في واحده امريكيه من اسبوع انها تدخل معه غرفه خاصه قبلت وشرطت عليه يفسخ ملابسه ويجلس عريان قدامها لان كل واحد مركب كيمرا فيديو في كمبيوتره فسخ زميلي ربنا زي ماخلقتها وكان جالس في مجلسه زوجته صحت الساعه 2 لانها ممرضه وعندها مناوبه ودخلت تبغى تصحيه يوديها ماتدري عن الموضوع اول مادخلت شافته واقف عريان وماسك المايك يكلم وهي شافت المنظر تفتكره تجنن كان تهرب وتصرخ وتصحي عيالها تقول ابوكم تجنن روحو للجيران خلوهم ياخذوه للمستشفى وهوى سحب سلك الكمبيوتر من الكهرباء وراح يجري وراها ويقول لها قسم بالله ماسويت اي شي ونسي انه عريان قامت زوجته تصرخ من جديد ويطالع لنفسه الا هوى عريان يعود يلبس ويجي عندها يترضاها قالت وديني عند اهلي انت انسان خربان وماتخاف الله هي اكبر منه وهوى يخاف منها قام قال لها انا اتوب على يدك الان وراح جاب شاكوش وكسر الكمبيوتر والشاشه ولوحة المفاتيح والماوس بعدها قبلت زوجته التوبه ودا زوجته واتصل عليه وقال تعال الان ابغاك رحت الا كل شي مكسر وانا استغربت يوم سالته من كسر الاجهزه كان يعلمني والله بطني تقطع من كثر الضحك هههههههههههههههه القصه الثالثه: رحت البحر ليلة مع مجموعه من الزملاء والله انهم كبار وعقال ودينين بس للاسف مدمنين الحشيش فقط ليلة الخميس يحششون المهم قالو لي معانا فلان السوري زوجته تعمل اجمل منسف اشترينا اللوازم وراح تطبخ العشاء ناذخه ونروح البحر جهز نفسك خرجنا وماشاء الله تعشينا والجو قماري روعه البحر وانا اموت في الصيد عدتي في سيارتي تعشينا والشباب جلسو يفتو حشيش ويلعبون طاوله وانا تركتهم ورحت اصيد وكل ماجيت الا هم قاعدين والله ولا واحد فيهم قام من مكانه او التفت للبحر يحششون ويضحكون ويلعبون طاولة على هذا الحال حتى الصبح يوم قمنا نبغى نروح قلت لهم بالله ليش جيتو البحر وقطعتو مسافه وانتو ماقمتو من مكانكم كان جلستو في بيوتكم ضحكو وقالو والله للاسف كان نفسنا نشوف البحر بس نسينا حتى نلتفت له وحلفو بالله انهم ماشافو البحر حتى روحو البيت هههههههههههه القصه الرابعه: تخزين القات ولدت في مجتمع كله يخزن الاب يخزن الام احيانا تخزن الجيران شي طبعي اطلع واحد منهم ههههههههه كان زمان القات منتشر بشكل كبير القات يخليك نشيط وتبالغ في كل شي تعمل من الحبه قبه هذا الكلام ايام المراهقه تركته وسافرت جده وليله واحد جاء واعطاني حزمه مثل حزمة الجرجير قات وانا لي سنين منه وكنا رايحين نسمر انا وعائلتي عند اقارب لنا في جده اخذت قاتي معي ورحت حزنا انا وولد صاحب البيت الشيبه راح نام والحريم نزلو عند جيران لهم احنا مخزنين قمت ابغى اغسل يدي كان المغسله مسدوده شوي والمويه تتسرب من جنبها اعطيت الولد فلوس وقالت روح اشتري 5 كيلو اسمنت ابغى افك المغسله وصلحها ههههههههه مسكت على المغسلة والله لايوريكم افك المغسله واصلح فيها واصب الاسمنت من جنبها ونص الاسمنت دخل من فتحت المغسله وسدها نهائيا الان انا ابغى اتجمل جبت العيد يوم جينا نروح قال الولد لامه وابوه محمد تعب وصلح المغسله قالو ليش ياولدي تعبت نفسك عز الله تعبناك مايدرو عن الانسداد الا بعد مانشف الاسمنت وانا ماادري الليلة الثانية اتصل عليه ابوهم ميت ضحك قال شكل القات اثر عليك قسم ان المغسله حقنا معاد نزلت قطرة ماء منها جبنا سباك وعجز وهوى يكسر وانا خجلت كثير بعدها تبت وحرمت القات حتى اليوم ههههههههههههههه باقي قصص كثيره ومضحكه تحتاج لها مجلد بس اكتفي الان بهذا القدر تحياتي للجميع |
اول شي ربي يحفظ الجميييع من هذي الافات
ويحمي بلادنا منها ويحفظ شبابنا وشباب المسلمين ياااارب قد ماموضوعك مضحك بهذي المواقف قد مايحزن ويالم القلب كيف الواحد عقله يروح ومايدري عن شي كيف يسمحون لنفسهم ياخذون هذي البلاوي وكيف منتشره بين الناس مصيبه والله يقوي حكومتنا على المهربين ويحمي الجميييع يارب طبعا كل موقف اخس من الثاني يضحك ويحزن بنفس الوقت الواحد مخه يفصل يالطيف ومايدري وش يسوى بس عجبني في الشايب ههههههه طبخ وتسنع واعطى العيال فلوس اهل بيته استفادوا منه هههههه وتدلعوا وانت ماشاءالله صلحت المغسله ههههه فيها فوائد بعد الفصله هههههههه الله يسعدكك يانادر ضحكتني وحزنتني على حال ذولا النوعيه الله يشفيهم ويعافيهم ويحفظ بلادنا وشباب البلد يااارب وبانتظار باقي المواقف ان شاءالله اعجابي والختم و 500 مشاركة وتقيم |
تمت الاضافه
|
مواقف ظريفة ومضحكة واحلاها حق الشايب البخيل تسلم نادر ع مشاركتنا هذه القصص النادرة:ff1 (137): |
اقتباس:
يامرحبا مليون بالغاليه غلا الشوق نورتي ياقمر موضوعي بهذا الرد الجميل والي تعودت عليه منك ربي ينور عليك للاسف مشكلة الحبوب منتشره بين الشباب مثل النار في الهشيم ويمكن تتابعي الاخبار دائما الحكومه تمسك بالاطنان في الجمارك الله يكفي العباد شرها ههههههههههههه هذا الشيبه مااحد يطيقه اخلاقه وحشه وشديد البخل على اولاده رغم انه متكي على ورث وحاله مستور والي يضحك اكثر قبل لاتتزوج بنتي الكبيره منيره راح عند جار اسولف عنده انا دائما وقال له بارسلك عند ابو منيره ابغى منيره قال له تبغاها لمن من عيالك قال لالا عيالي دشير ابغاها انا على سنة الله ورسوله هههههههههههه قال له جاري لايسمعك ابوها قسم راح يتمسك بدقنك هي زميله لبنتك وانت مثل جدها ومتزوج زوجتين محمد ارسلت عليه مديرة المدرسه تبغاها لاخوها رغم انه في سنها ورفض لانه قال ماازوج بنت الا بعد التخرج وليله رحت اسولف عند جاري قال معايه لك نكته حلوه قلت له هات الا هوى يعلمني ههههههههه قلت الله ياخذ عمره لو مابقي في الارض الا هوى مازوجته ويستاهل الي عملوه فيه الشباب اما انا وحكاية المغسلة والله فشيله ابغى اتجمل جبت العيد بسبب زيادة نشاط القات لكنه رب ضاره نافعه كات لي توبه منه الف شكر على هذا المرور الجميل وشكر خاص على التقييم وزيادة المشاركات |
اقتباس:
اهلا وسهلا باخي احمد نورت ياقمر موضوعي الله ينور عليك اسعدني مرورك وردك الرائع ههههههههههههه الشيبه ماينطاق ولا ينحب حتى من عياله وعملوها فيه الشباب الكل قال يستاهل لانه لما تكون جالس تسولف مع صديق لك ويجيك واحد ثقيل دم يجيب لك سوالف انت ماتحب تسمعها وكل ليله وهوى جاي اعتقد ينفع فيه هذا الموقف تحياتي وتقديري لمرورك الكريم |
الشكر خيووو ع الحس الفكاهي الذي تعودناه من اسلوبك المميز
عودة مع القراءة يثبت |
اقتباس:
ياهلا وغلا بالاخت الغاليه صدى الشوق سعيد بهذا المرور الجميل والدائم على مواضيعي وتثبيتك لمواضيعي دائما يعطي قيمه لها ربي يسعدك دنيا واخره ومليون شكر على تثبيتك للموضوع مودتي وفائق احترامي لكي |
الله يعين من هالمخدرات
قصص رائعه بروكت |
اقتباس:
هلا وغلا بعطر الشوق سعيد بهذا المرور الجميل ربي يسعدك مودتي وفائق احترامي لكي |
الساعة الآن 09:46 AM |
تصحيح تعريب
Powered by vBulletin® Copyright ©2016 - 2024
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
تنويه : المشاركات المطروحة تعبر عن وجهة نظر أصحابها وليس بالضرورة تمثل رأي أدارة آنفاس الحب