معمول عيد الاضحى من مطبخ eyes beirut تعالو تعالو
 

https://www11.0zz0.com/2022/07/09/16/722793667.jpg


اضحى مبارك وكل عام وانتو بخير

يسعد اوقاتكم
كيفهم ال انفاس
حبيت اتشارك معكم بحلو العيد
الله يديم الاعياد
معمول العيد تراث ما فينا نستغنى عنه


٥ كوب سميد ناعم او فرخه وكوب سميد وسط ٢
ونص كوب طحين حتى يمسك معنا السميد
كميه السمن ٤ كوب بتستخدمو نفس الكوب بدنا السمن دايب ومش سخن
بتحطو على السميد وبتبسو بس مش عجن
بتتركو السميد مع السمن مده يوم كامل او يومين افضل بتكون حبه السميد شربت السمن وفتحت
منضيف على السميد ملعقه زغيري محلب
ملعقه كبيره دقه الكعك
وفيكن تحطو يانسون ناعم انا بحط ملعقتين كبار
وكوب حليب وملعقتين كبار قطر
كوب مي بتدوبو بقلبو نص كوب سكر بتلمو العجينه
لما وبتشوفو اذا جمعت معكن وصارت قوام واحد يعني عجينتكن ممتازه
واذا بعدا عم بتفسخ بترشو رشه مي زغيره ما تكترو المي بتقسي المعمول
بتتركو العجينه ترتاح مده ساعه او ساعتين بتحضرو التمر
هالكميه استعملت ٢ كيلو تمر
رشه قرفه ورشه جوزه الطيب وملعقه زيت زيتون او سمنه او زبده
بتعجنو التمر منيح وبتقسمو لا كرات
وبعد ما ترتاح عجينه المعمول بتقسمو العجينه لا كرات وبتبلشو تحشو وتطبعو بالقالب
حتى ما تلزق معكن بتحطو طحين بتغطو القطعه وبتطبعو بالقالب بتطلع معكن دغري انا بحب خلص كل الكميه وبخبز دغري بحمي الفرن ٥ دقايق من فوق ومن تحت بحط صينيه الفرن والمعمول عالشبك بيحمر من فوق ومن تحت
ملا حظه
هالكميه كبيره فيكن تعملو نص الكميه
ما بحط ولا نوع خميره بالعجينه لانو بتروح الطبعه
البهارات والمحلب عذوقكن فيكن ماتحطو بس اكيد الطعم اطيب اذا بتحطو
وفيكن تحطو ماء الورد وماء الزهر ملعقه بملعقه كمان اختياري
السكر فيكن تحطو من نص كوب لا كوب حسب اذا بتحبو حلو
اذا بدكن تعملو حشوه فستق وجوز بتطحنو خشن وبتضيفو ملعقه سمن وملعقه قطر بتمسك معكن الحشوه
اذا بدكن ترشو سكر بودره عالوج بعد ما يطلعو من الفرن هني وسخنين بترشو السكر حتى يعلق
وهيدي هي بالتفصيل الممل وصحتين يا حلوين
لحظه تذكرت قلكن انو في ٣ انواع من السميد ناعم ووسط وخشن بتنتبهو بدنا ناعم ووسط

حشوة الفستق و الجوز
اكيد منطحمهم او نكسرهم و نحط سكر و ماء زهر
ونضيف معهم حوالي ملعقتين شيرة بضل الحشوه طريه
وصحتين

يعطيك الف عافية
وباين انو لزيز وعادت اعيادك بالمسرات اختي.

المعمول من أهم الحلويات بالعيد
والطريقه شهية
وتفتح النفس ماشاء الله
تسلم الايادي عيون
وعيد سعيد عليكِ

يمي يم..
تسلم الايادي والنفس الزكي عنون
دايم اقول عنون طالعه شطوره وسنعه زي تروفه:-ff1 (43):
بحب انو ف الاعياد تكون اصناف من عمل البيت
عافيه ع ألوبكم
ودامت ايامكم ولياليكم افراح واعياد

.

.
:ff1 (49):

يسعدلي البك منور
و كل عيد و انت بخير

يسعدلي البك منورة عيوني
و كل عيد و انتي بخير

ولو تروفه اخدت الوصفة منك ههههههههههه

يسعدلي البك منورة
و كل عيد و انتي بخير

وااااو
شكلو يشهي
يسلمو اديك عيون
وصحه وعافيه ع قلبكم
وكل عام وانتم بخير

يمممي يمممي
شكلهم بيشهي
يسلمو هالايدين والعينين عمري
وصحتين وهنا
وكل عام وانتي بخير
تم الختم
ويستحق الاعجاب والتقييم و :85:

يسعدلي البك منور
و كل عيد و انت بخير