ادخلو اعلمكم ماالذي كان تفعله امهاتكم في رمضان
 

اهلا بكم وشهركم مبارك



موضوعي فقط اقصد امهات بنات القرى الصغيره
بحكم تنقلي في كثير من القرى يوم انا صغير

والقرى كان متشابهه في الطباع تقريبا في معظم الجزيرة العربية
وبعض من قرى بلاد الشام الي في اطراف الجزيرة واليمن
حسب ماسمعت

لااعرف شي عن امهات بنات المدن

كيف كانت حياة البنات في رمضان
البنات الصغيرات الي باقي ماتزوجو
مسموح لها تلعب مع صديقاتها في الليل
وبعدها تنام قليلا ويصحوها تجهز الصحور
وتذهب في العصر تجيب الحطب
وتشعل الميفا او التنور وتخبز
وتطبخ الادامات ويطحنون الذره على احجار
تسمى المطاحن تلاقون صورها في قوقل
ويعبون الثلاجات شاي وقهوة ويبخرون البيوت

كان كل بيوت متقاربه بناتها مثل الاخوات
في الشغل واللعب قبل لاتلعب هي وصديقاتها يتفقون
على تكنيس الاحواش
حق البيوت كل ليلة يكنسون حوشين او 3 عمل جماعي
اتذكر الغبار كيف كان لما يكنسون مجموعة بنات مع بعض

ثم يجهزون الفطور ويتبادلون الاطباق
كل واحده تجيب طبق من الي طبخته للجيران
كل شوي يجيك طبق من بيت
والحمدلله تبادل الاطباق مازال حتى اليوم عندنا
وان كان اقتصر فقط على البيوت القريبه من بعض
كل رمضاني نتبادل الاطباق مع الجيران
تذوقهم شي من فطورنا وهم كذلك
عادات حميده ومحببه للقلوب

ماهي العاب البنات :
كانو في رمضان يلعبون كثثير من الالعاب
اتذكر منها
1- لعبة دسيس واحده تغمض والباقي
يختبئون وبعدين تدور عليهم والي تمسكها تضربها
وهي تغمض بدلها

2-يلعبون لعبه تسما بحرير مجموعة تغمض
ومجموعه تنتشر كل واحده في مكان ويضعون
اصابعهم في الارض
ويعملون خطوط كثيره وبعد ربع ساعه تذهب المجموعه
الي غمضت تبحث
عن اماكن الخطوط وتمسحها والي يبقى يقيسوه بعصى
ويعتبرون فائزين

3- يرقصون واحده تطبل على تنكه او يشغلون
مسجل كاست والباقين يرقصوت

4- اذا تعبو من اللعب يتحكوون يجلسون مع بعض
وكل واحده تجيب سالفه
واكثر سوالفهم عن اشياء خرافيه لاوجود لها
على الواقع ولكن يصدقوها ويجزمون انها حقيقه

مثل السلعيه وهي عجوز نصها انس ونص جن
الي تخطف البنات ليلة الزواج
والجني الي معاه يد واحده يمين و7 ايادي
في اليسار كيف تجي ماادري ههههههه
والجني الي في الوادي الي منه 3 اثلاث
ثلث انس وثلث جن وثلث ثور
وكل جني له عشرات القصص
وبعدين يخوفون بعض ويضحكون ويتطاردون

كل ليلة يلعبون في بيت ويسمرون فيه
كل العابهم تتم على ضوء القمر
لانه يومها مافيه كهرباء غير فوانيس على قاز

ماهي المسلسلات الي يتابعها البنات
فقط مسلسل واحد ياتي في الراديو اسمه
ام حديجان في ليالي رمضان موجود على اليوتوب
اول ماتبحثو عن راح تشوفو الراديو
كل ادواره يقدمها الكومدي عبدالعزيز الهزاع
ماكان فيه تلفزيون بعدين جاء تلفزيون عادي و
على بطارية السيارة
هههههههه
والله كانت حياة حلوه وبسيطه وجميلة
ياليتها تعود ويعود معاها العمر

تحياتي للجميع

حلقه من المسلسل الرمضاني الوحيد الي كان يتابعوه البنات
ونفس الحلقه مسجله في التلفزيون في المقطع الثاني
تابعو المقطع الثاني للاخير
اكيد راح تضحكو على كلام الاسباني الي جاء يشتري غنم


https://www.youtube.com/watch?v=T8Mz...A7%D8%AA%D9%8A


https://www.youtube.com/watch?v=E9iY...el=badransaeed



.

رمضان له طقوس
سبحان الله لاتختلف كثيراً بين القرى والمدن
لان الروحانية والاجواء الرمضانية لها رونق وطابع خاص
ليس القرى فقط بل حتى بنات المدن يملكون الكاريزما الرمضانية
ولكن يختلف الضجيج والهدوء والقلة بين الاثنتين


طرح مميز
كل الشكر والتقدير

يعطيك العافية


لاخلا ولاعدم

نادر سوالفك ماتخلص وحقا ممتعه
فعلا الماضي حلو بكل تفاصيله وان كان فيه شقاء وعناء
وكان للحياة لذة وطعم غير

حلووه كثير
بدوون حكايات ابو سبع ايادي ووووووو :-ff1 (33):

ذكرتني بحكايات النمنم
كنت من فترة اقرأ فيها :-ff1 (27):

عوافي النادر
ماننحرم تواجدك
شرفتناا :ff1 (218)::ff1 (218):

ياهلا ومرحبا وسهلا
بالغاليه غلا
نورتي ياقمر موضوعي
ودائما تنوريه بردودك المحببه لقلبي


اكيد يوم شفتي العنوان جيتي جري
بتشوفي ايش كان امك تسوي
ههههههههههههه
حياة بسيطة وحلوه رغم قساوة تلك الايام
الا اننا نتغلب على قساوتها بالبساطة
والمحبه بين الجيران
مستحيل تلاقي بيت في رمضان مافيه ناس
تجي في الليل ترمض من باقي القرى
وكان كل شوي تجي بنت للوالده
تقول لها تقولك امي تعالي عندنا
لانه جانا ( الحي)
الحي يقصد بها الضيوف كانو يسموهم الحي
وكل واحده تجي من قرية ثانيه تسولف
تجيب معاها طبخه و20 ريال
هذه عاده بين الحريم
تحيب سكر وبن يحطوه على صحنين ويغرسو فيه العشرين
حتى تروح على شان كل حرمه تجي تشوف طبختها

هههههههههههه
ابو 7 ايادي يسار اكثر شي كان يضحكني
وخاصه لما بعض البنات تقلده وهوى يجري
وكانه كان جار لها
والله يازينهم مصدقين وكمان خواتي
يحلفون انه صحيح
لانهم سمعو بنت فلان تقول ابوها شافوه
او تكلم معاه
الله يسعدك يارب
ومليون شكر على التقييم وزيادة المشاركات والتثبيت
فديتك والله

يامرحبا مليون بالاخ الغالي مُحال
نورت ياقمر موضوعي الله ينور دربك
وسعيد بردك الجميل
صدقت تقريبا العادات متشابهه
في بعض الامور واخص بالذكر القرى
تقريبا في معظم البلاد العربيه
لان الضروف تقريبا زي بعض

ماكنت اتوقع ان المدن مثلنا
كنت اتوقع انهم مرفهين شوي عننا
بس انت تكرمت واضفت
معلومه جميله لموضوعي
الله يسعدك يارب
ارق التحايا القلبيه لمرورك العكر

ياهلا وغلا بريماس
نورت موضوعي الله ينور عليك
تحياتي وتقديري لكي